Esura 1

1 Emaono iusu Ninawi. Igano lya emaono ya Nahumu, Mwelkoshi. 2 E Yehova Mulungu wivuva na akulipilizya ekesasi; Yehova akulipa ekesasi na wakokala kisila; Yehova Kulipilizya ekisasi kuvaaduwi vakwe. 3 Yehova wa nguzu nyingi na mkonde wa kisila; akashe ave ni namna yileka livesabila emakosa evadiwi vakwe. Yehova akwita njila yakwe kunyaga gwa kisulisuli ni zaluba, ni malunde umalongo ga migulu zyakwe. 4 Udakaga bahari nakivezya ikale gukala malambo gakwe gose. Ni Bashani ina ulagalege ni Karmeli; angi ni madutu ga Lebanoni ina ulagalege. 5 Ngulu zyekutetema ku myaga gwake, ningulu zikupepuka; na liwelelo zikugwa kuutongi wakwe, hana, liwelelo lyose ni vantu vakwikala mkaya yakwe. 6 Nani akolile lyema kuutongi ya kisila chakwe? Nani akolile ikanila udakiwa kisila chakwe? Ni egadhabu yakwe yakitwa kiti emoto, ni migambo zyakaibomola kulekule. 7 Yehova msoga eiboma lusiku lwa mavi; msava uwamiliki kuvao wakumpelela. 8 Ila akavezye mlezyo eudui zyakwe kumafuriko ga kutisha; akavavende mugiza. 9 Evantu vakupangi kii nguno yakwe Yehova? Msava emsava akulapizye eshida akashe auke itungo lya uvuli. 10 Nguno vakave vitagaga kati mivwa; vakavipwe nguno ya moto kiti matambe gamalule. 11 Emntu yumwi ndauka mugati ninyu Ninawi, uyo ndapanga mavii nguno yamwa Yehova, mntu uyo ndaemilizya mavii. 12 Evii ovyene akuyomba Yehova, ''Ninga mbe valininguzu zyao zilisawa ni wingi wao alisava ninga venevyo vakasenywe, ni vantu vao vakave valiaduu angi. Kumbe eve, Yuda: Ninga evyo ndinakutesa, nkashe nkutesa angi. 13 Agese nkaivele enila ya vantu ifuma kuwako; nkaipute eminyololo zyako. 14 Yehova wafumyaga itamko igulya yako, Ninawi: ''Kukashe kuva niutwa angi chisombalina lyako. Nkazidimila esanamu evyo zyapunzwa nilizisinya esanamu migulu zinyu. Nkasembe emakaburi ging'we, kulinzalau kwinyu.'' 15 Linga, igulya ya ngulu kwina migulu zya mntu uyo akuleta mpola nsoga, uyo akulazya eamani! Mutogwe esikukuu sinywe, Yuda, mutunzye enazili zinywe nguno katavi akavingilile angi; wakasinywa hana.