1 Hange mwizukili muumbi wako mkati ni nsiku zya simba, kabla ya nsiku zya ulambu zekahe zize, na kabla ya miaka zekale ifikohaho ulayombe, ''Ene ndeuduhu utogwe mkati zizyo,'' 2 Vezi evi kabla ya enulu ya lyuvani mwezi ni sonda zekali zeveeni giti, ni malunde isuva ebaada ya vula. 3 Lelo levave itungo ambalo mlinzi woikulu akateteme, ni vagosha imala vinime, ni vakema vawo vakusha ni koma, kunguno vado, ni vawo vakusu nekela mmadilisha vakaku anavisoga hange. 4 Ule ukave itungo mbalo mizigo zilugalilwe mkati ni mitaa, ni muko gwa isha kukoma itungo vagosha vakatimikela milio gwa noni, ni lwembo lwa sauti ya vakema kukoma. 5 Ekave itungo lelo vantu vakaogohe vivyo viukile ni vinvi vivyo vyehoha balabala, ni tungo lelo mlozi akasambule emauwa, ni tungo ndilihaho vakave vikwese vasava, ni tungo haho ehamu zya asili haho zikapotwe. Hene mntu akaye mkati ni kaya yakwe ya upanga ni vapezya vashuka mwihala. 6 Mkumbuli Muumba wako kabla ya lugoye lwa hela iputwa, au ibakuli lya zahabu ivelwa, au gudulia iveelwa kuu nsoka, au itololi lya minze iveleka kukisima, 7 Kumbu ya kuvudu kusuva mahali aha, haho gafumile, ni mwego isuva kumwa u Seva yolende atumya. 8 Kate kamufwa la mtutu, ''Ayomba mhembeki, kela kentu mtutu gugo gukutageka. 9 Mhembeki ndealini isima na nda avihembeka vantu va nse. Ndea soma ni kuazimu na kutunga mesali nyingi mkati ni mipango. 10 Mhembeki ndeakova itonywa kwitumila visibitisho edhahili, magambo gamaba gago gemelile. 11 Magambo ga vantu vawo vake ni isima kale uvila, kate misumali vivyo nde zya gogomelwa kuu mkati huvyene gale magambo gakumgosha mkati ni misumali zizyonde zya gogomelwa mkati, uvyena gale magambo ga mgosha mkati ni mkusanyike mesali zyawo, zezyo akaufundisha ni mdemi yumwi. 12 Mwna wane uve makini ni vantu zaidi, iveyelezya evitabu vingi, checho kelave esima nyuma, ni soma sana hikwe uzou kumvele. 13 Nyuma yaigambo ebaada kila kentu gwa kaigiwa, mkuva lazima uchee u Seva idima amli zyakwa, mkuva ile hi ijukumu lyose lyose vaku mwanadamu. 14 Mkuva u Seva akati kukila itendo lya, kumu, hakemwi ni kila checho kevisike, kesoga au kevi.