Esura 11

1 Lwala umkate gwake higulu lya manzi, mkuva ukagupate hangi baada ya usiku nyingi. 2 Ulishiki umkate ni vantu saba, ninga mnane mkuva ukagumanya mavii kii giizile higula lya nsii. 3 Kati malunde kookile nkila, gakuizwila masava hansi ni nsii. Ni kati umti mbee gwagwaa mkuya kudakama au mkuyu sukuma, hohote nili hahogulagwila haha hone gukagwila. 4 Yoyote akagulinga umyaga iwezekine akatagagaga, ni yoyote akulinga malunde iwezekane aimbulaga. 5 Kativyo ukaima inzila ya myaga, wala evyo myanda hikile mnka, vivyone ukekowola mligumanya umlimo gwaku Seva, awumbile kila kintu. 6 Umlawo langa imbuto yako; mpaka mpindi nozya mlimo kumikono zyako kativyo ikowolilelwe mkuva ukaimanya yuhe ikafanikiwa, impindi au umlao, au iyi au yile zyonse zikava nsoga. 7 Kweli lyuva isemu, na kintu cha itogeziwa kunguno ya minso mkuona ilyuva. 8 kati mntu mbee akala miaka mingi, na aitogezya yonse, ila na aiganika higulu lya nsiku ziizile zya yii mkuve zikava nyingi. Kila kintu kiizile lyonsi likuteketela. 9 Itogezye msumba, mkati ni usumba wako, ni mwego gwako uitogezye nsiku zya usumba wako. Ulondelale gale galimasoga ga mwego gwako. Chose kili hambele minso gako. Ninga manya mlava u Seva akukuleta kumsumile kunguno ya vintu vii vyonse. 10 Lezya kisila mkufuma mmwego gwako ukalingaga usatu wowote mkati ni mvili gwako, kunguno usumba ni nguzu zyakwe na lyonsii.