Mbwana ya 18

1 Kitevi kya shindoshi ngalemwona malaika ungi esoka wanda ifuma ruveu. Icho nyereode mamlaka vanduwe, na urika nyulelang'arwa ko ucha, utukufu wake. 2 Nyalefugha ko iru jiduwe, eamba, ''amegwa, amegwa, uja mri mduwe Babeli! Umevaandu ko damya mokitau, naandu echedamya kila ngoo sichafu, naandu achedamya machafu, na deghe uja achechukisa. 3 Kake kokitevi kya vandu valaichi vose vekenwa mwinyo olaka, andakire yaunongo wake isa nyaende ghadhabu. Mfalme o orika ameuta unongo nacho. Vameuta ibadilishana o orika vameva vandu vaode ko pinya ya maisha vake vaanasa.'' 4 Kake ngaichwa iru jamundu jetuma ruveu jeamba, ''Fumenyi kwake vandu vakwa, kitevi mlacheuta unyamari wake nailimlaadije na ikavwa jake jose. 5 Unyamari wake nyukusangirye uye cha ruveu, na Makilunga nyakumbuka iuta javo shindo shivichwa. 6 Mlihenyi chakundu alevaliha inywe, na mnde mlihamara kavi kokitevi kyake. 7 Chakundu alejitukusa amonyi, na nyaledamya ko amasa, mningenyi ileseka jifoje na uzuni. Kokitevi nyachededa ngoonyi kwake, 'Ngadami chakundu malkia; nama chikee vajanepo, namachikee ngapeona ikisaropo maombolezo.' 8 Kokitevi kya ndani ya funiimu kikavo kyake kipemlemeja: Kipo, maombolezo, nanjaa. Nyape korwa na modo, kokitevi mndumi Makilunga nyaode pinya, nanyi muhukumu wake.'' 9 Vailori vaorikenyi valeuta nongo naiukwa emduamu nach vapetugha naiomboleza anduvapeona musu koihyo jake. 10 Vapeimukana kwacha nacho, karimija na iogwa yake eamba,'' ole, ole, ole kokitevi kya mrimduwe, babeli, mriuode pinya! ko isaa jimu hukumu yapo imecha.'' 11 Vaja vachebadilishana orikenyi fughenyi naiomboleza kokitevi kyake, kitevi kee kode nama umu usaache ura shindo shake kavi. 12 Shindo sha dhahabu, hela, magho vathamani, lulu, kitani kicha, dhambarau, hariri, itorodu, aina sose sashidi shija shinadahio necha, kila kyombo kya mbembe sa njofu, kila kyombo kiletobirwa ko shidi sha samani1 shicha, shaba, chuma, igho, 13 Mdalasini, shedahya, uvumba, manemane, ubani, mvinyo, mafucha, ungamcha, ngano, ngumbe na imondo, tarasi na magari, na vedumwa, na ngoo sarandu. 14 Nandunda kopinyo sake silefum ifuma kwapo. anasa sapo sose na mapambo vapo valedambuka, nama vapeonwa sepo. 15 Vajavache badilishana kudi vajavalepata shindo ko ukundo wake vapeimukana kwacha ifuma kwake kokiteri kya hofu koirimija jake, vefugha na iru ja maombolezo. 16 Veamba,''ole,ole mriuja mchiwe ulerarikwa kitani kicha, zambarau, naitorochi, na ishikijwa madhahabu, shindo shicha na lulu.'' 17 Kierikya isaajumu ichonyuledabuka. kila mnduacheda mada meli, kila baharia, na vose vamrinhenyi, navose vecheuta kasi mringenyi ukusalalye, vaja vaimkye kwacha. 18 Valefugha andu valeona musu ohya kwake.valeamba,''nyimrimki ufananiye naichu mduwe''? 19 Valekummba maifuuye ya mido yavo, navalefugha, veumwa msoru na iomboleza,'' ole,ole mrinduwe andu kwose vekeri na meli savo mringenyi uksalalye veke rivaode kitevi kya shindo shake, andu ko saa jimu .'' 20 ''Orokiwenyi uye yake, ( mbingu) ruveu, inywe vasa mwiehi, vedumwa, navaja velosirwa, kokiteri makilunga nyaendekipungo kyanu uyeyake''! 21 Malaika aode pinya nyaleteshwa igho chakundu igho jiduwe jesuja kajikumba mringenyi ukusalalye, eamba,''ko mwido iihu, babeli, mriuja mduwe, nyupekumbwa wanda ko utingidiso naupe onwa sepo. 22 Iru ja shinada, wana muziki, vajavanechesa filimbi, na itarumbeta mpevaichwa kwanu sepo. nama mnduechotobira shindo shoshoshe shipeone kavi kwanu iru ja kinubi jipeichikiwa kwanu kavi. 23 Kilang'aro kya koroboi kipedima kang'ara kwa popo. na iru mndumi oarisi na bibi harusi nama sipeichwa kwa popo, amu unkenyi, navaja valaichi, valembwa ko usavi wapo. 24 Kwake ndakame ya vaja veona navaja vaichi nyileonywa, nandakame yavaja valeagha uye ya urika.''