1 Umu o malaika saba avekeri na shitasa saba nyalecha negivia, ''Njio, ngapekurora hukumu ya kahaba mdue anedamya uye ya mringa ufoje, 2 ambaye wafslme va orika vameuta - mambo va uzinzi nacho na uye ya mvinyo o uzinzi wake vadamiayo orikenyi vamenangusha.'' 3 Malaika kangiiria ko Ngoo mpaka nyikani, na ngalemwona mndumka adamije uye ya mnyama mwekundu aichurie marina va sidengo. Mnyama nyekeri na mido saba a mbembe ikumi. 4 Mndumuka nyerarikwe nguvo ya zambarau na nyekundu na nyapambwe ko dhahabu, magho na thamani, na lul. Nyaveode kikombe kokonyi kwake kikombe kya dhahabu, kiichurie, shindo sha machukizo sha uchafu o uwasherati wake. 5 Uye ya paji ja kiamu kyake jileandikwa irina ja siri: ''BABELI MDUE, MAMA O MAKAHABA NA O SHINDO SHA MACHUKIZO VA ORIKA.'' 6 Ngakaona ya kuwa mndumka ichu nyavekeri amenangwa ko ndakame ya waaminio na ndakame ya vajavalepa ko ajili ya Yesu. Wakati ngalemwona, ngeleva na mshangao mdue. 7 Kake malaika kangivia, ko ngikyo mnerijiwa? Ngapekuvia maana ya mndumka iu na mnyama akemwirya (mnyama icho aode mido saba na sija mbembe ikumi). 8 Mnyama icho ulemuona nyavekeri, akeri kavipo luaha, kake nyakeri tayari idoja ifuma ko irungu jilakeri na mwisho. Kisha apeendelea na inyamara. Vaja vamedamya uye ya orika, vaja ambao marina vavo vileandikwa kwenye kitabu kya uchatangu iderwa msingi o orika - vapeshanga vakamwona mnyama avekeri, kwamba akeri luahapo, kake nyakeri kufui icha. 9 Wwito ichu nyi ko ajili ya urongo ukeri na heshima. Mido saba nyi milima saba ambayo mndumuka aledamya uye yake. 10 Navo kavi nyi wafalme saba. Wafalme vatanu valegwa, umu nyekeri, na ungi amechapo; wakati apecha, nyapedamia ko mda ufuje tu. 11 Mnyama avekeri kake luaha akeripo, icho nacho nyi mfalme o kana, kake nyi umu na vaja wafalme saba, na nyanadambuka kwenye uharibifu. 12 Sija mbembe ikumi ulesiona nyi wafalme kumi ambao vameadijapo ufalme, kake vapeadija mamlaka kama wafalme ko saa jimu anduamu na mnyama. 13 Iva vaode ishairi jimu, na vapemnika oru lwavo na mamlaka uja mnyama. 14 Vapefanya shida baina yavo na Mwna imondo. Kake Mwana imondo apevashinda kokievi nyi Mndumi o vandumi na Mfalme o wafalme - na ko icho jiledikirwa, jlechaguliwa, waaminifu.' 15 Malaika kangivia, ''Uja mringa uleuona, icho adamije uja kahaba nyi vandu, makutano, mataifa na lugha. 16 Sija mbembe ikumi ulesiona - iso na uja mnyama vapemwirya uja kahaba. Navo vapemfanya iva mpweke na duhu, vapemja usese lwake, na imeketeza ko modo. 17 Maana Makilunga amedera ngoo savo ibebakusudia jake ko makubaliano vemnenga mnyama oru lwavo imtawala hadi shidedo sha Makilunga shitimie. 18 Uja mndumka ulemwona nyi mri uja mdue utawalao uye ya wafalmeva orika.''