Mbwana ya 15

1 Tena ngakaona ishara ingi ruveu, ndue ne yenye ishangaza; kuvekeri na malaika saba venye mapigo saba, ambavo vekeri mapigo va mwisho (ko ivo nyashi ya Makilunga ivekeri imekamilika). 2 Ngeleona kija kilefumia iva bahari ya bilauri ichanganywe na modo, na ikaiukana mbarinyimo bahari ambapo vaja vekeri vashindi dhidi ya mnyama na sanamu yake, na uye ya namba inawakilisha irina jake. Vekeri vaode vinubi valenigwa na Makilunga. 3 Vekeri vaneimba wimbo o Musa, mndumwa o Makilunga, na wimbo o Mwana imondo: ''Uya waponyi mdue na nyuode ishangaza, Mndumi Makilunga, unetawala vose. Mwaminifu na njia sapo nyi sa loi, Mfalme o orika. 4 Nyunga apelemwa ikufofu igwe Mndumi ne ijitukuza irina japo? Ko kuwa igwe kumonyi nyi mtakatifu. Orika lose upecha ne kuabudu mbele sapo ko kitevi a ucha na matendo vapo vamemanyika.'' 5 Baada ya shindo isho ngapelambua, na sehemu takatifu sana, ambapo kuveoda na hema ja ushuhuda, ulerughuka ruveu. 6 Ifuma andu patakatifu sana vakacha malaika saba, vaode mapigo saba, vararikye nguvo sicha, kitani kwenye ing'a na mshipi o dhahabu itengeta shipuva shavo. 7 Umu o vaja vaode ucha vana vakafuna ko malaika saba mabakuli saba va dhahabu vaichurie ghadhabu ya Makilunga akeri ishi ndarasi na ndarasi. 8 Andu patakatifu sana kuveketi na musu ifuma ko utukufu o Makilunga ne ifuma ko uweza wake. Kuode nama na umu aledima iingia mpaka mapigo saba va malaika saba andu veleshia.