¹ Luaha inywe makuhni, amri ii nyi ko ajili yanu. ² Kakire mlapeadanya, na kakire mlapejiirwa ijingoonyi sanu ne ingininga utukufu, ko irina jakwa, aleamba mndumi majeshi, kisha ngapeduma ng'oki kwanu, na ngapeng'oki baraka sana nyiloi, ngamevadeja ng'oki kala kokitevi mmedera sheria sakwa ngoonyipo. ³ Lambua, ngapekikemea ushao wapo, na ngope shia madifi kiamu kyapo, madifi va dhabihu sanu, na mpeirwa anduamu nayo. ⁴ Na mpemanya kwamba ngaduma ii sheria kwanu, Lawi" aleamba mndumi o majeshi. ⁵ Agano jakwa na icho jekeri agano ja uhai na amani, na ngalamninga shindo ishi ko njia ye ngiheshimu nyolengiheshimu na iimkana kava na hofu ko irinajakwa. ⁶ Mafundisho va loi vekeri ko momu wake, na unyamari ulepatikana momunyi kwakepo. Nyaledambuka na inyi ko amani na unyoofu, na nyalevaurigha vafoje ifuma dhambinyi. ⁷ Ko ktevi momu ya makuhani hudera maarifa, na vandu vapeshigha maagizo ifuma ko mdo wake, ko kitevi ko ujumbe o mndumi o majeshi. ⁸ Kake ngameidakwacha na njia yo loi. Umesababisha vofoje iva na mshaka vetii sheria. Umejivia agano ja Lawi," aleamba mndumi o majeshi. ⁹ Ko ikyo ngamevafanya inwe na inyi na idharauliwa mbele ya vandu, ko kitevi mlejitunza irina jakwapo, kake badala yake mnependelea ko maagizo vanu. ¹⁰ Ise jose jiode papa umupo? nyi makilungauja umu alejitobiraise jose? ko ikyo ngiki jinefanyiana hila mundu na mdwavo wake, mneji nyamara agano ja papa wanu? ¹¹ Yuda nyaleuta hila na nyaneona kinyaa ko shindo shiderijwa ko Israeli na Yerusalemu. Yuda amena jisi andu kuode ucha o mndumi ambao apakundiye, na amedua msichana o miungu ingi . ¹² Makitunga kakatilia kwacha ifuma ko hema ya Yakobo na o vandu ambao valeuta iva, ata uj aneende sadaka ko mndumi o majeshi. ¹³ Na igwe kavi nyunvika kudo. Nyuneshikija madhabahu va mndumi ko msoru, ko ifurighane ivauwa, ko kitevi apeidikija sadaka ne isiadijapo ifuma mokonyi kwapo. ¹⁴ Kake nyuneamba, nyi ko kitevi kiki? ko kitevi mndumi ameva shahidi kate yanu igwe na mkapo o usoro wapo, kinyume kyake umeva sio mwaminifu, ingawa icho nyi mweazko na mkapo o agano japo. ¹⁵ Je icho alevafanya iva umu, hata ko sehemu ya ngoo yake? luaha nyi ngikikeri nyanetegemea ipata vena vacha makitunga. Ko ikyo jiepushhe kumonyi numbenyi ko ngoo yapo, na alave mnda alakeri mwaminifu ko mka o usoro wapo. ¹⁶ Neisua ilikana," aleamba mndumi makilunga o Israeli, "afanikizaye nguvo yake ko udhalimu," aleamba nyi numbenyi ya ngoo yapo na ulave mndu aleke ri mwaminifu," ¹⁷ Mmechosha mandumi na shidedo. Ko kitevi mmedede, kuda jakuchosha? ko ideda kila umu ambeye ameuta uchafu yi mcha," ana nyakiri kuku makilunga o haki?