Mbwana 3

1 Basi mndu umu o Mafarisayo rina jake Nikodemo, mdue o Wayahudi. 2 Icho nyalendeja ikyo, kambia, ''Rabi, jiichi ke iwe mji mwalimu, ofuma ukinenta iwepo ulakeri Ruvwa, akeri nawe.'' 3 Yesu kamtalwa, ''Amini, amini, ngakuwia mundu alemeoneke kawi, apedima ona umangi o Ruvwa.'' 4 Nikodemo kamwesera, ''Mundu nyapeoneka kuda akeri msuri? nyapedima ingia ndeunyi ya mae kawi naoneke?'' 5 Yesu kamtalwa, ''Amini, amini kambia mundu elemeoneke ko uringa na ko Ruvwa po. 6 Kyaonwa na osese nyi osese na kyaonwa na ngoo nyi ngoo. 7 Ulanjwa kija ngakuwia, 'kuwode ngata ulapooneka kawi po.' 8 Mkuma njikuta chakundu uwiri, na mrundumo naupenichwa, kake iho andu ofuma uichi andu ofuma na andu ukinaenda po. Na kudo kikeri chakundu aoneka na ngoo ya Ruvwa. 9 Nikodemo kamtalwa kambia, ''Shindoshi shipewa kuda?'' 10 Yesu kamtalwa kambia, ''Mwe na mwalimu o Israel, na shidedo shi ushiicho po? 11 Amini, amini, ngakuwia, ke kija jikiichi jipekideda. Jilekiona jipeshideda na mpedikija. 12 Koja ngalewawia shundo sha orikenyi nama mleichwapo, mpeichwa kuda shindo sha Ruvweu? 13 Nama kuode mudu aledambuka Ruvweu po andi nyiuja elesoka ifuma Ruvweu, icho mwana o Adamu. 14 Na chakundu alete shwa ujoka ya kuja alukunyi, na kudo mwana oAdam wapemteshwa na wuye, 15 Matika waidikye wawe na moo ondarasi. 16 Ko kitevwi Ruvwa nyalekunda isanga kamfuna mwana ke icho amonyi ko kila mundu mwidikije aledeke andi nawe na now o ndarasi. 17 Amu Ruvwa nyalenduma orikenyi na hukumu orika po indi lukirwa nacho. 18 Icho mwidikije apehukumiwa po amu kiteri nyaleidikija rina ja mwana o Ruvwa. 19 Na iki nyikyo hukumu, ke kilecha orikenyi na wakakunda moma wakada kilangaro, kitevi shirundo shavo shiwekeri shiwichwa. 20 Mundu achiuta shiwichwa afudie kilangaro po na apecha kilangalonyi shindo shake shilache tunawa. 21 Ade, achiuta loi nyechicha kilangaronyi, matika shindo shake shiwonekane ko Ruvwa. 22 Iho Yesu myaledambuka orika lo Uyahudi kasinda po nawo, ebatisa. 23 Yohana nacho nyakenebatisa ipo Ainoni kufia na Salim kitevi kuwekeri na mringa ufojie. Na wandu wakenawadia wabatiswa, 24 Amu Yohana amedamadwa geresani po. 25 Kulefumia irikiana na walosho wa Yohana na Myahudi kitevi kya imwala. 26 Wakambadia Yohana wakambia, ''Rabi, icho ekeri na iwe ngaliko ya Yorodani, nyicho alededa, lambwa icho nyakenebatisa wandu wose wakinembwadia.'' 27 Yohana katalwa, kaamba mudu apedima adija kidedo kyose nyikija alenengwa ifuma ko Ruvwa. 28 Inywe mvenyi mkenangidedia ke nangelededa inyi inyi Kristo,' ngaledumwa, 'ngimsongoje.' 29 Icho awode mwanji nyicho bwana arusi. Mong'o o bwana arusi, nyicho apeinukya mwadanye, nyakenaghorokywa munu ideda jake bwana arusi. 30 Ighorokywa jakwa jimeshikya icho nyapezidi, iteshuka na wuye kake inyi ngapesokya na wanda. 31 Icho apecha ifuma icho nyakeri wuye ya shoose, icho akeri o rika lu icho acha afuma Ruvweu nyaketi wuye ya shose . 32 Shija aleshiona na shidue nyisho akenashideda, nama kuwode akenaidikija ideda jake po. 33 Icho akenandikija ideda jake ke Ruvwa nacho loi. 34 Kimewa icho adumwa Ruvwa nyechideda shidedo sha Ruvwa. Amu akenafuna ngoo ko kipimo. 35 Papa nyamkunde Mwana nacho nyamnenga shose mawokonyi kwake. 36 Icho apemwidikija Mwana nyawode nwo o ndarasi, na icho alapemwidikija Mwana apeona nwo po na nyashi ya Ruvwa nyipendamija.