1 Yakobo, modumwa na Makilunga na mndumi Yesu Kristo, ko vambari ikumi na ivivasasarikye mboha. 2 Itala ko sia njicha, wandodu vakwa, iho andu mkenaida njolemonyi njiresi, 3 mkanya ke ineg'henwa ko ucha wanu penengwa irimija. 4 Tijinyi irimija utobirije uya wake, kimacha mdime iomalala kiuloi, bila ig'hwa kyo-kyo-se. 5 Kake mndu koja nyainyarye nganyi, natereve ifuma ko Makilunga amu nyechefuna itarama, kulaode idedya ko vose vechemtereva na apevanenga uloi. 6 Kake tereva ko ucha, kulaade uog'hu uja apevikya wog'hucha marindi vakeri olubalibalinyi, vecheirwa na orukuta ikumba, kunu na ipo. 7 Ko ulo mndu ichu mlakusare ke nyapeadijwa kiterevo kyake kipefuma ko Ndumi; 8 mndu ichu nyaode shindo shivi chi mcha onjia sake po. 9 Mndodu vakiva vainyarye imata imuka kuja uye, 10 kyeri ikyo ikyo mndodu akuode nyakekereva amu nyapedekya cha iua ja kifambara kufui na mdeme ukeinaidwa. 11 Mbari nyuchafumia na mrike nyuchekora na ikora na iomira mimea, na maua vechegwa na ighoroka jake vakapa. Na kudo kudo vandu vakuode vapeeomia kasinyi savo. 12 Nyeletaramwa mndu uja akenarimija ineg'henwa baada ya ilemwa ineg'henwa kudo, apeadija taji ja udwe, kijakivederijwa ko vaja vamkundye Makilunga. 13 Mndu wowose ainyarye ineg'henwa po ineg'henwa iji jichefuma ko Makilunga ko kitevi Makilunga echeg'henwapo na uvichwa po, na Makilunga icho amonyi nyechemneghena mndu wowose. 14 Kila mndu nyecheneg'henwa na tamaa sake mbichwa iso sichemu itama na imburwa kwacha. 15 Nyikyo kitevi ifuda uvichwa, ig'hana ondo, kivichwa ionika, na ade uvichwa ioma korokoro, na isija ipa. 16 Vandodu dikundanie, mlalembike. 17 Kila sawadi ikeri njicha na sawadi ikeri necha ifuma uye, nyipesoka gwanda, ifuma ko Papa onuru. Kubadilika cha muinje uchebadilika. 18 Makilunga nyeledisambura ise idinenga uhai ko kidedo kya loi kenesa dive cha ioneka ja kuvoka dikeri kufui na shiumbe shake. 19 Namuichi kudi vandodu dikundanie. Kila umu nyainyanye iva mwepesi o adanya, chi mwepe ko ideda wala ilusha, 20 kura nyashiya mwanadamu ipediima uta loi ku Makilunga. 21 Ko ikyo derenyi kwacha uchafu o uvichwa na unesi wowose uke andu kokose, na irimijana adijenyi kidedo kivajwa kwanu amu jiode uwezo o ikira ngoo sanu. 22 Adenyi nganyi ya kidedo mlaadane mkalemba njo sose sikenyi. 23 Ko uja icheadanya kidedo bila ikiutwa uya cha mndu echemuda kyamu achekulambwa kyamu kyaka na kioo. 24 Nyechatamani kyam kyake na edambuka mda mfui nyavabima chakindu afanane. 25 Ila mndu uja achelambwa ko uwngalifu loi ichemdekyepo loi ya ucha, iuta ucha chi kiteve ke icho acheadanya na ivadima, mndu ichu naperamwaiyo andu anauta. 26 Okava mndu woyose nyakekusara kee mndu o dini kake apedima tawala olum lwake luchemlemba ngoo yake na dini yake nyamaana. 27 Dini ikeri njicha ya iponyamarika mbele ya Makilunga odu na Papa njii: nyichewatarama vaja walaode ndie na mao wajane vaja vakeri mateso vao, na ikuringa vavenyi na wanyamari orika.