Mbwana ya 3

1 Lwaha, ngana kureghya, mkunda ii barua nya kavi ikutukura katika urongo, 2 Ili udime kumbuka shidedo shileambwa na vitorya va umwele ihusu amri ya Mndumi odu mkira iidya mitume. 3 Umanye ili mbele kevaja vele mkana vape cha katika furi sa ndarasi imkanenyi inywe va kidambuka kimu kimu na amri savo. 4 Ku ikeri ahadi ''Ye uya? Papa sedu velemepa, kake shindo shose shivekeri kudo ifuma kuvoka ko irunda. 5 Vaka kuita ivadima ke orika na ruveu shileanza kutokana na mringa iidya mringa o kalaa ko kidedo kya Makilunga, 6 Lidya kidedo kyake na mringa vakava ruveu ko kipindi kyo ikava ichurye ilenyamarwa. 7 Kake lwaha ruveu na orika sile adwa adwa ko kidedo kyo kyo ko kitevi kya modo. Shilederwa ko kitevi kya furi sa ndarasi na iianga mitha vandu valaode Makilunga. 8 Li ipedima chenga ujumbe wapo op, vakundu, ke furi imu ko mndumi nyi miaka elfu imu. Miaka ya elfu imu nyi cha kundu furi imu. 9 Chi ke Mndumi anauta mboha mboha itimiza ahadi, cha kundu vaichi kake icho nyanarimija kokitevi kyedu, icho akunde nama na umu na anga miepo kake ukunda ifuma mda vapate tubu. 10 Kake furi ya mwivi ipecha, ruveu ipe ida nekava ulodo shindo shi pedekya mondonyi. Orika na shindo shose shikeripo shipefunuliwa shiarye. 11 Ko kyo shindo shose shipe korwa ko njia ii. upeva mndu o aina njiki? Upeishi kimwele na maisha va Makilunga. 12 Ikupase imanya ne ichi icha furi ya Makilunga. Furi cho ruveu ipedekya ko modo. Na shindo shipe ye yushwa katika mrike mkali. 13 Kake kutoka na ahadi yake, jinavedeja ruveu njihya na orika mpya, ambao vaode uloi vapeishi. 14 Kudo vakinda kokyo shindo shi, jitaidi ko makini na inung'unika iva na imani kimu nacho. 15 Ke zingatia irimija o Mndumi odu katika Kristo, chakundu mkunda mkunda o msacha odu Paulo, elevarengi inywe, ifuma na hekima ambayo eleningwa. 16 Paulo anadedya ivo vosekatika barua sake, kode shindo shionye iyelewa. Vandu vala ode adabu o dumu vameshinyara shindo sho, chakundu vana uta vareghi. Iyelekea idambukya uvichwa wavo. 17 Kudo vakinda ko kyo. Mvaichi iva jiringenyi mvenyo kitevi mlapotoshwe na lemba o valaghai ne desa uwaminifu. 18 Kake mlehe katika siha ya urongo lo Mndumi na mwokozi Yesu Kristo. Lwaha umwele uwode icho lwaha na ndarasi. Amina.