1 Manabii vavongo vapefumya ko Vaisraeli, na losho va vongo vapecha kodu ko kirika vaende shidedo sha vongo navo vapemlegha Mndumi alevaura. Vanakuendye unyamari o movinyi uye yavo vavenyi. 2 Vafoje vapevadya njia savo sa sonu na iidya ivo vapekuimata njia ya uloi. 3 Ko uegheji vapeonga vandu vedumbwa shidedo sha vongo. Hukumu yavo ipekelejwapo, unyamari unevavadya. 4 Am Makilunga alevatiapo malaika vaja valeghaluka. Ila nyale valamba ko varim ili vapungwa minyororo mpaka hukumu ipevacheja . 5 Nama Makilunga alerimijapo orika okala. Kudo, alemdera Nuhu, usa aode uloi anduam na vengi saba, handu alelekeja muringa uye ya orika uleitasa. 6 Makilunga alehihukumu miri ya Sodoma na Gomora andu ipeva maifu na unyamari ili ive mfano kokitevi laja uvichwa katika mfuri sa kiamunyi. 7 Kake euta ijo, alemkira Lutu mundu o loi, avekeri alesononeshwa na tabia ichafu savaja valapevadya sheria sa Makilunga. 8 Kokire mundu ichu o loi, edamije navo mfuri ko mfuri eitesa nafsi yavo kokitevi kya uja alevaichwa ne vaona. 9 Koikyo Mndumi aichi chakundu apevakira vandu vake kigheri mateso na chakundu ye irimija ranyamari kokitevi kya hukumu katika mfuei ya mwisho. 10 Koloi ichu nyicho uloi ko vaja vanedambuka adamya katika tamaa sa usese ichu na iramena mamulaka. Vandu va aina ii vanekarija katika dhamiri savo vaneogwapo ivamena vaele. 11 Mekoja malaika vade uwezo na oru ikela wanadamu, kake vapedimapo uyende hukumu iidye Mndumi. 12 Kake vanyama valaode orongo valetobirwa ko asili ye adwa na iyaghwa. 13 Vaveviniswa ko malipo va unyamari wavo. Msanyinyi puri vachedamya anasa. Vaichurye uchafu na unyamari. Nyaneorokya anasa. 14 Meso vava vashikijwa na usinzi; vapefumapo auta sambi.Vache valemba na ivaduja vaumini vakaho katika sambi. Vaode ngoo iichurye mbiagho. 15 Valaitija njia ya loi. Valedeka vakaivadya njia ya mkosi vana va Beori, ekundye aida malipo va udhalimu. 16 Kake nyelededya ko kitevi kye nyamara jake. Ipunda jivekeri bubu kadeda katika sauri ya mundu, aleruvija varim va nabii.. 17 Vandu iva cha njoro silaode mringa. cha marindi vafunw mkuma. Irindi jilemeje jiderijwa kakitevi kyo. 18 Vachededa ko kuita bure vakadija vandu tamaa sa usese. Vachevalemba vandu vanegheresha edicha vaja varekeri ye kasa. 19 Nyache vaahidi vandu uhuri kigheri ivo vavenyi nyi vandumwa va sambi va ufisadi. Am mundu nyacheutwa ivamndumwa o koja kinemtawela. 20 Icho anekusembera na unyamari oorika ko itumia urango o Mndimi mkira Yesu Kristo, na idamya na iuya uyamari icho kavi, hali yake nyicheva mmbichwa kukela ya kuvoka. 21 Nyiveva vandu ivo veimanyapo njia ya ucha laikela iimanya na idamya kavi nesiria amri siele valenengwa. 22 Methali ii nyikeva na uloi kwavo.''Kite kicheghuja madaikwa vake. Na nguve isanjwa nyicheuya udokonyi.''