1 Simoni Petro, Mndumwa na bere oo Yesu Kristo, ko vaja valeadija imani ya loi chakundu jileadija ise, imani ikeni ngoonyi ya loi Makilunga mwokozi odu Yesu Kristo. 2 Mbora ive kwanu; na amani iongerijike idemido yanu Makilunga na Mndumi Yesu. 3 Idya kiterevo kya Makilunga jilepata shindo shose ko kitevi televia kye televia maisha, ifuma ko Makilunga uja alejidikira ko inghoroka ja utukufu wake. 4 Ko njiai nyilejikumbura ivavaso jija ja ucha ko kitevi kyejifanya ise varisi va asili ya Makilunga, chakundu jikedambuka je tia unyamari orika luu. 5 Ko kitevi ki, kasanenyi iongerija ucha ko kiterevo kyanu, ko kitevi kya ucha. 6 Idya urango, mnina, na idya kinina, saburi na idya saburi upeshinda. 7 Idya utauwa ukundo idya ukundo, o vandu vanu ukundo. 8 Chakire shindo shikeri ngonyi sanu, shikaendelea leha ngonyi sanu, basi inywe mpeva mghumba ana vandu valapeshaa mbeu urangonyi Mndumi chu Yesu Kristo. 9 Naicho ose alakeri na shindo sgi, nyecheona shindo shakufui tu; icho nyi mndu apie meso. Nyavadimie isanjwa ja sambi sake sa kala. 10 Ko ikyo, vandodu utenyi, bidii ili ukumanye uteule na idikirwa ko kitevi kyanu. 11 Kokudo mpeghona lango jeingija ufalmenyi o ndarasi. 12 Ko ikyo inyi ngapeva tayari ivakumburenyi shindo shi mara, hata chakire mshiichi, na luaha mova imara ko loi. 13 Ngakusara ngakeri savasava ivatukura na ivakumburako shindo shi ngakeri cha ngakeri humbenyi. 14 Am ngaichi kee kigheri kilehie ngapeisembera numba ii yakwa, chakundu Mndumi Yesu Kristo alengilora. 15 Ngapejitahidi ko pinya ko kilevi kyanu ili mkumbuke shindo shi mkono uja ngamekwe. 16 Kokuwa ise ilevadia shindo shileingwa po ajandu jilevavia ko kitevi kyo oru lo kulora ko Mndumi Yesu Kristo, jivekeri mashahidi va utukufu wake. 17 Icho nyaleadija utukufu na nganyi ifuma ko Makilunga Papa aja eruu jaadanywa ifuma utukufunyi mdue ikedada, ''Icho nyicho mwanakwa, ngamkundye ngaghorokwa nacho.'' 18 Jileichwa eruu ji jefumia mbinguni ajando jekeri nacho aja kifumbunyi kitakalifu. 19 Jiode kidedo ki kya unabii, kilemefumiya, koikyo mketobera necha ko ijiada nyikeri cha taa ichemurika momenyi mpaka kukie na ng'eng'eri sa kiukwanyi sicheonwa ngonyi sedu. 20 Mauyenyi ishi kee kwode unabii ulemereghwa ko kilevi kye kusara nabii omonyi. 21 Kokitevi kuoda unabii ulemecha ko ifuda ja mundupo isipokuwa vandu valeloshwa na mo mwele alededa ifuma ko Makilunga.