1 Ngichi, kake kuodepo kikenaengejwa na iko. Andi apeendea ko ndeswa na ilorua ifuma ko Mundumi. 2 Ngamwichi mundu umu ko Kristo icha miaka ikumi na ina ileida icho evekeri osesenyi, ana nja ya osese, inyi ngaichipo, Makilunga aichi - nyeleiriwa uye ruvevu ya karadu. 3 Nagaichi kee mundu ichu -- kikava kee osese, ana nja ya osese, nyi ngaichipo, Makilunga aichi --- 4 Nyeleriwa uye mpaka paradiso na ichwa shindo vaele loi ko mundu wowose nyechiamba. 5 Kokitevi kiya mundu chaichu iche gapekuimata. Kake ko kija kiakwa amonyi ngapekuimatapo. Kake ihusu uge okwa. 6 Koja ngakunda ikuimata, ngeveva mutondo, ko mekoja geveva ngakenadeda uloi, kake gapitia ikuimata, kinesa kee kulawade wowose apengisaria munu ya isho kulio kike naonekana nyumbenyi yakwa ana ichwa ifuma kokwa. 7 Ngakuimata kavi ko kitevi kija isambwa jaa aina ya sonu, ko ikiyo, isho gapijuru na itingidepo, musha nyulederua numbenyi ya osese lokwa, mdumwa o shetani igikava inyi, kinesa ngighatukeiva ngimonyi ikuimata. 8 Mara karadu gelemuteva Mundumi kitevi kia, iki icho ikure ifuma kokwa. 9 Nacho yelevavia, ''Mbora yakwa ipevashika ko kitevi, kipo, ko mekoja oru luchiuta loi kitevi uchafu. Koikio, ngeveuri munu isambwa munu ihusu ilemwa jakwa, kinesa kee idima ja Kristo udime idamia uye yakwa. 10 Koikiyo gakeshikwa ko kitevi kiya Kristo, ko unyenge, ko shidengo, ko shida mateso, ko kitevi kiekusara. Ko kitevi kigeri gakusara kake gaode oru. 11 Inyi gekeri mutondo! Inywe mlengi lasimisha ko iki, komekoja geveva geadanyiva na inywe, ko mekoja gevekeiri dunipo loipo ko ikio vedikirwa valoshi vecha, ata koja inyi chi kindopo. 12 Msongoni oloi za mundumwa zileutika nghorosi yanu ko irimija, usongori na injwa na irunda jiduwe. 13 Kokuda mwekeri vya muhimu vya gwanda kuliko makanisenyi velesighaka, kake kee gevekeri mulagho kwanu? Mugisamehe ko ikosa iji! 14 Lambwa! inyi gakeri tayari icha kwanu ko mara ya karadu gapeva mulaghe kwano, ko mekoja gauripo kindopo kikeri kianupo. Ngavauri inywe. komekoja vana vauruwa idera akiba ko kitevi kiy vafee. Baadala yake, vavee vauriwa idera akiba ko kitevi kia vana. 15 Ngapenghorokiwa munu idumika na idumika ko kitevikiya nafsi sanu. Chakundu gavakunde munu, ngauriwa gikundwa kinina? 16 Kake kivekeri kudo, ngelevalemeja mulango inywe. Kake koja kee inyi nyii mwango munu, inyi nyii nyuja alavawada inywe komekoja inywe elevapata ko uongo. 17 Loi, ngeleiria kokuita faida ke sose gelemuduma kwanu? 18 Ngelemuteva Tito nacha kwanu, na nangeleduma mundu ungi kimu nacho. Loi, Tito nyelevautia faida inye? Loi, diledambuka ko njia iya iya? Loi diledambuka ko ndufua sija sija? 19 Mukenaita kee kengeri iki kiose divekeri dejitetea ise diwenyi kwanu? Oshangunyi lo Makilunga, na ko Kristo, dikeri dikenaamba kila kindo ko kilevi kia watiricha inywe. 20 Koikio ngakenaongwa kee ihaandu gapecha ngapedima ngalavaone inywe chakundu gafudie. Gaode iongwa kee mpedima mulawade inyi chakundu mukenashigha. Naiongwa kee kupedima iva na ideda, wifu, ikuiriairia o nyashi, ndakire yekundia, ongo, kisununu, na unangwa. 21 Ngakenaongwa kee ihaadungapeuya kavi, Makilunga okwa apedima gisingira oshangunyi lwake. Ganaongwa kee gapedima ilushima na vengi vasa vakenauta sambi kigheri kiya kingeri, na shindo iledumbuja uchu, na uasherati na shindo sha ndakire shisa vakenashiuta.