1 Uvakumbuthe wadedemekie vathongori na vaghetawala, ivaarania, na ikuvika kindokicha hena kila ndima njicha. 2 Uvakumbuthe iramhirira mndu wowoshe uvichwa, valeke ighaluthanya, vavanike vandu vengi ihira maamuthi, na irora iovoha kwa vandu voshe. 3 kwaku naifwe fule eghire maririkano mavichwa na vandu vangani. Fuleke hena ireka fukafanywa vathoro na ishigha kila kindo na vualaani. Fuleke hena ngoo mbichwa na uvichwa. Pundeghekonda naikondana. 4 Mira igheri mbonea ya Ruva mkira weru na ifura lyakwe kwa vandu ukaghevo mikana, 5 kiveke tha findo fyeru ficha fuhirire fwe, mira alefukirire kwa ficha fyakwe. Alefukirire kwa ifuthamba naighirwa kwa vusha kwaichembwa kwa mbeho mcha. 6 Ruva alekutie mbeho mcha fwa fingi kaghu yeru liria hena Yesu Kristo mghekira weru. 7 Alehirire kwii kimacha fukiva futaririwe vuchaa kwa mborere yakwe, fuve handu hamwi na kwa ukeni na mighendie yeru telele. 8 Ili ni kindo kya keni kireriwe. Unashigha murere kwa nguju findofi, kimacha vaya vamfurire Ruva vave kindokicha hena ndima njicha iya aleivikie mothia yavo. Findofi ni ficha kwa vandu voshe. 9 Mira tanenyi na migayo ya kivufie,ikananiana naiirana ihuthusharia findovyo fighire maana yoyosheyo. 10 Mleghenyi wowoshe akyaende ighavi kana maghari yenyu. hena ikyo hena ikanya kindo kyevoka na kya kavi, 11 manyenyi ku mndu wa mbareyo andemileka irira lya keni na akyahira thambi na ikuhukuma weka. 12 Nikamghemruma kwafwo Artemi kana Tikiko, kinitha uche kwakwa kunu Nikopoli an'gu nindevona niikae kigheri ki kya mbeho. 13 Kinitha na umrume Zena mghemanya sharia, na Apolo, haraghire wura kindo. 14 Vandu veru nimithari vanye ikuruma hena ndima njicha, thia nthavwaro findo fya mwiri vya umuhimu kimacha vanagheva vandu varakyaghira ndunda njicha. 15 Voshe vakehandu hamwi vakuirikira vairikire vaya vafufurie hena miirikilie mborere ive handu hamwi imwe voshe.