1 Mira iwe rera findo fiya kurorerwe fifumene na iirikiwa yapfo. 2 Vaghothi ghirenyi kiringanyo, shima, kiugho, mwirikio uelie, hena ifura, na hena irimilia. 3 Hena kwio vaka va rika nimithari vakurore vo voka ku vachiikaa nicha mothiya ya Ruva na thi vaghelinganya vo. 4 Ni miku vanava vathoro va njafi kikyashighwa valoshwe findo fiya nge ficha kimacha vavachembe vepfu hena kiugho kyevafura vomi na vana vano. 5 Kikyashighwa vavaloshe vaghire kiugho, vaelie, valambua nyumba tavo kindo kicha na vatinisha vomi vavo voka. kikyashighwa vahire findofi kimecha kirero kya Ruva kinaimbiliwa. 6 hena kwio kwio vathumijenyi vathoro vaghire kiugho. 7 Hena njia toshe kuvikenyi mwe mweka iva fwanyanyi hena ndima njicha na mukilosha, rorenyi kiugho na ikuduisha. 8 Rerenyi mburi ighire nguma na igholekie kimetha wowoshe arera uvichwa araghwishe ang'u aghire kivichwa kyokyoshe kyefurera we. 9 Vathoro na vairanie vathuri vavo hena kila kindo. Vakyashighwa vavanulithe na thi ikanana navo yo. 10 Vakyashighwa vanaiva. Keba yakwe vakyashighwa irora ikuji yoshe icha kimetha hena njia toshe vaghambe ilosha yeru ya Ruva mghefukira. 11 Kwa ku mborere ya Ruva indevonwa hena vandu voshe. 12 Iyafulosha ilegha there fya ki Ruva na ngwina ta mathanga. Iyafulosha fuikae miikalie ighire kiugho kitea na hena njia ta Ruva hena igheri ili. 13 Igheri fufwaverelea ighuhia ikuji yeru ya mborere na ngatho ya Ruva weru mng'anyi na mkira weru Yesu Kristo. 14 Yesu alekufunyire we weka hena fundu fweru kimecha afukire ifuma hena ireka na ifuelisha, vundu vwakwe, vandu vinguri vaghire laka yehira ndima njicha. 15 Gharere na ivwilia vwilia findo fi. Bohija kwa nguju toshe. Kunairikia mndu wowoshe akudaishe.