1 Paulo, mndima wa Ruva na mrumwi wa Yesu Kristo, kwa miirikilie va ya vasaghuriwe ni ruva na kyavia kya keni kyeende itinika. 2 Vake hena ikuji yekilia telele ngecho Ruva arachiirima ivera mongo. 3 Hena iluva likamilikie, alekerie kirero kyakwe hena mburi anjinikie niibirikire. Kinjivaie ihira kwii kwa iamoro ya Ruva mndumi wevu. 4 Kwa Tito, mwana wa keni hena miirikilie yeru, neema, mbonea na mborere ifuma kwa Ruva Papa na Yesu Kristo mndumi wevu. 5 Hena icho reghwaha Krete, kimecha uchembe findo fyoshe firanakamilika na uvike vaghothi va kanisa kwa kila mri vandu nikurumie. 7 Mghothi wa kanisa anava mghelaumika, mmi wa mka umwi, aghire vana vaaminifu varachirerwa hena fivichwa kana varaghire shima. 6 Ni kicha kwa mghelolea, mghemkia nyumba ya Ruva analaumika. Anava mndu wa idigha yafia, anava mgheirwa, anava mndu wesababisha ilwa, anava mndu aghire tamaa. 8 Badala yakwe ave mndu mghekaribisha, afurie ficha. Lathima ave mndu aghire kitea, amwovohie Ruva, akuirima mweni. 9 Airima imkia kirero kya keni kifundishirwe, nesa airime ivavikia ikuji kwa mafundisho macha kangi airima ivaghaluta vaya varamfurie. 10 Kwa ku haghire vaghereka vengi hasa vaya vagherinwa, virero fyavo ni fya vufire. Vachilemba naivatitika vandu hena ireka. 11 Ni lathima ivaleghea vandu thaivo vanafundisha fiya firavatarire kwa faida tighire iraghwa na ikonda familia toshe. 12 Mmwe wavo, mndu aghire kiugho aleghambie, "Vakrete vana mongo uraghire mwisho, vavichwa na vanyama vya hatari, valethi na vavurire kiringanyo." 13 Firerofi nifya keni, hena icho uvaleghie kwa nguju netha vaime ireru keni hena miirikilie. 14 Iwe kunakuingira hena hadithi tereta kena ta Kiyahudi kana maamoro gha vandu vachivwighira nyuma keni. 15 Kwa voshe vaelie, findo fyoshe fielie, mira kwa voshe nge vahani na varairikirie, haghire kyokyoshe kielie ho. Ang'u madunganyo ghavo na ngoo tavo tichafuriwe. 16 Vachikughamba ku vamwichi Ruva, mira kwa mihiro yavo vakyomlegha. Vo ni vavichwa na varachiichwa. haghireho kindo chochoshe kicha chevamanyisha.