Sura ya 13

1 Bathi ifurana na wenyu lighoke. 2 Muna ibhaa ighuhia bhaghenyi maana ibhika kwio bhengi bhachighuhia malaika bila imanya. 3 Mumanye bhoshe bhake kipfungonyi fugheeke nabho handu hamwi nakole miri yenyu ighehiririwe thabho. 4 Heicho mlondolo uheshimiwe ni bhoshe na kiraro cha mlondolo kiele ni cha ang'u Rubha abha nyinyina bhaasherati na bhazinzi. 5 Bathi irira yenyu ya mifiri libhe mwaji hena ifura petha mubhe mwairikia findo mughire, ang'u Rubha weka arerie, "Iha mulekanyi, kabitha wala imuibha." 6 Heicho furithike ili furere kwa nguju, "Mudumi ni mghenja thaobhohanyi. Mndu airima injibhika kwia?" 7 Bhafikirienyi bhaya bhamu thongolelie. Bahya bhare rie kirero cha Rubha kwenyu nakia kibhafumirie hena mighendie yabho mubhe thabho. 8 Yesu Kristo niwe ighuo ithanya na telele. 9 Kunache thongolewa ni iloshwa ubhichwa findo fya kighenyi ang'u ni kicha ku ngoo iagive hena mbora, thakwa sheria yakijo ifyo fyamghenja fyo bhaya bhachi fiibharia ifyo. 10 Fughire kitalo bhaya bha chihira ndima bhoshi ya nyumba ya mtatho bha ghirerebho haki yeyayo. 11 Kwalia nzakame ta bhanyama, tifunyire ito ya Rubha kwa thababu ya thambi igheendiwe ni mghe thongo lea mre bhoshi ya handu haelie (patakatifu) lakini miri yabho ilechi okewa bwang'a ya kambi. 12 Heicho Yesu nawe alete therwe bwang'a ya kyoti cha mri iliibhika bhandu tayari kwa Rubha iiria nzakame yakwe. 13 Heicho fughende kwakwe bwang'a ya kambi fukikuruka tharau takwe. 14 Kwani haghireho handu heikaa hetundanya heu mri u badala yakwe fukashe mri uchie. 15 Liria Yesu mmwa shighwa mubhe mmwafunya itathi ya habhache kwa Rubha, fumlumbishe kwa mumu yeru furere irina yakwe. 16 Kuna ibhaa ihira ficha na mughenjane imwe kwa imwe ang'u nikwa itathi yo niyo Rubha achili fura. 17 Mughire hena bharongori bheru ang'u bhachi furia hena ngoo teru na sikwa bhubhicha hoo, uchi bhaghenja tho. 18 Fulombienyi ang'u fuichi fughire ngoonjicha mfyashigha iishi maisha gha heshima hena findo shoshe. 19 Nafyoshe nnamuongera nguju muhire kwii ili ni bhie kwenyu mifiri yahaghi hii. 20 Lubhaha Rubha wa mborere amuendie ifuma kwa bhaphwie mrisha mrwe wa magonji Mndumi weru Yesu kwa nzakame ya ndaghano ya telele. 21 Amunika nguju hena findo ficha ihira ifura yakwe, akiira ndima bhoshi yeru yependetha mithonyi ghakwe iiria Yesu Kristo kwakwe ubhe utukufu wa telele. Amina. 22 LUbhaha nnakunika ngoo, weru uondue na kirero cheku nika nguju ambayo kwa ughwihi nigheliandikie kwenyu. 23 Mumanye weru we Timotheo bhemimlekela huru ang'u hata we aghecha hamwi nimubhone kole akacha mifiri ya haghwihi. 24 Urerie bharongori bhapfho bhoshe na waumini bhoshe bhaya mbhafuma Italia mbhakurerea. 25 Na mbora ibhe naimwe bhoshe.