1 Henaikyo kwaku fujungulukiwe ni ilwi irwe lya vaghemkia, na fukumbe kila kindo kifu lemerie hamwi na thambi ifujungulukie kwa hawihi. Furiche kwa ivera hena iverana ghavikiwe mothia yeru. 2 Mitho gheru ghamlolie Yesu, adungishire namghetimitha miikikilie yeru, vundu vwenuliwa alevikiwe mothia yakwe, alerimilirie mthalaba, akidaha irawa lakwe, na akaikaa kirombo, kuvoko kwa kumdumi hena kifwumbi kya vurwe kya Ruva. 3 Mira mumririkane we arimilirie firero vye chukitha kwa vaghire thambi, vundu vwakwe weka kimacha munghechoka mukaghecha mukafwiwa ni ngoo thenyu. 4 Munataabika na ilya vwasi mwe vundu vwa thambi handu hefunya nzakami. 5 Ang'u mundeivaa inikwa ngoo ngeyo iya muendie iva thavana va kyuni: "Mwanakwa kunaondoa kwa fia ivwiliwa ni mnduni wala kunavwia na nyuma mkwachembwe niwe." 6 Kwalia mndumi achiwiha mndu wowoshe amfurie, na mtenya mwana wowoshe amwiirikilie. 7 Rimiha mighesho thaayewiliwa Ruva achianga naifwe fundu achiangana na vana, ni mwana unga ndiye arachimvwilia? 8 Mira kole haraghire ivwiliwa, ifwe voshe fuchishiriki ifwe fuharaka na vana vakwe. 9 Vundu vwa fyoshe fulekena na vandio veru kiithanga na ifutoghotea na fulechivaichwa. Luvaha lee nkyashighwa imwichwa papa wa ngoo na ikia? 10 Kwa ukeni vandio veru vale fukondie kwa magheri mengi fundu kilevoniwe ku ni keni kwavo, mera Ruva achifukava kwa faida yeru netha fuikae nawe hena vurwe vwakwe. 11 Haghire ikafwa linulirie kwa igheri liho. Hachighira ivaviwa. Hata kwiyo hachighirwa ndunda ya kicha ya miikalie micha kwavaya valosherwe. 12 Heikyo vuthirenyi mavoko ghenyu ghachokie na ivika ndi thenyu thichokie, thive thighire nguju; 13 gholenyi iira lya tuva thenyu, kimacha wowoshe ashokere akaghenda ighereka we mira airime ikirwa. 14 Fuivarie mborere ya vandu voshe, na pia vicha there ikyo haghire aghemvona mndumiho. 15 Muve vaminifu kimaha hanaghira aghevikwa kuwa na mborere ya Ruva, naku hanaghecha iding'a lyaghefumia naienda vwasi naii lilisha vengi. 16 Lolienyi ku haghire fivichwaho kana arachihira fivichwa tha Esau, vundu vwa kyo kimwidu akanikia keni yakwe yeghirirwa. 17 Kwaku muichi luva, akishigha inikwa mborere, aleleghiwe kwalia ralevonire igheri lye tubu hamwi na papa wakwe, hata ingawa alekashire kwa mithori. 18 Kwakumurachie hena mlima uwairima ivwara, mlima uwaaka moro, mma itenyika ngoo na mkuta. 19 Muchie mwe kwa irwi lya farumbeta kana firero fyafumana na irwi, ningekyo kithababishire kila mgheichwa analomba kirero kyokyoshe irerwa kwavo. 20 Kwa lia varandeirima irimili kia nngekyo kiirikiliwe: " Kole hata mnyama avwere hena mlima nimithari akavwe kwa mawe.'' 21 Kyeo vosha akirerie kwa Musa, niovohie na idedema.'' 22 Mira muchie hena mlima Sayuni hena mri wa Ruva wa keni, Yerusalemu yaifwo kaghu, na kwa malaika fiku ikumi vakya sherehekea. 23 Muchie hena ibumba lya vagheghirwa vevoka voshe vaingirirwe kaghu kwa Ruva mchili wa voshe, kwa ngoo tha vaya vaelesherwe vairikiliwe. 24 Muchie kwa Yesu mghepatanisha ndaghano njisha, na kwa nzakami ikutiriwe ningeyo ichirire ficha ikela nzakami ya Habili. 25 Lolea kunaghemlegha umwi wa vagherera. Kwaku kole vaherwerwe wiya vamleghie umwi avakanyire ithanganye, kwaukeni fukakie fwe kole fuka ghalukia kuwa kwa wia akyafurunga ifuma kaghu. 26 Kwa kigheri kyo irwi lyakwe lilededemishire ithanga. Mira luvaha afuahidie na irera, "Na igheri lingi thikadedemeshe ithanga lyoka, mira na kaghu." 27 Firerofi kando kamwi he iyarora ivuthwa kwa findo fia vichidede mesha, kwii ni, findo fia vivumbiwa kamacha findo fia virakyadedemeshwa virewe. 28 Henaikyo fuondue vumangi vurachidedemeshwa, funuliwe hena vundu vwe mtatha Ruva kwaiirikia handu na inyenyekea hena vurwe. 29 Kwalia Ruva weru ni moro uchi lya.