Sura ya 1

1 Magheri ghairie Ruva alechigaya na vakaka veru iiria manabii kando kangi na kwa njia nyingi. 2 Mira hena mifirii fuke nayo, Ruva achigaya na ifwe iiria mwana, uya anivikie ave mreora findo vyoshe, na kwa iiria kwake niwe aumbie isanga. 3 Mwana wakwe ni kilanga kya ngatho yakwe, tabia tofauti ya asili yakwe, kangi akyaendelea irumba findo fyoshe kwa kirero kya nguju takwe. Ekinamalie ielesha fivichwa, aleikee kivombo hena kiphumbi kyakwe ipho kaghu. 4 Andeva mcha ikela malaika, vundi irina liya aliorie ni icha ikela irina yakwe. 5 Ni kwa malaika ungaa alewahie irera, "Iwe ku mwana wakwa, ithanya nindeva papa wapho?" Na kangi, "Nava papa kwakwe, nawe ava mwana wakwa?" 6 Kangi, igheri Ruva akinamuende mghirwa wakwe wevoka ithangenifi akarera, "Malaika voshe vya Ruva lathima vamtathie." 7 Ihuthu malaika aghamba, "Uya afanyire malaika vakwe iva mbeho, na vahiri vakwe iva cheche ta moro." 8 Mira ihusu mwana aghamba, "Kiphumbi kyapho ni kya mamlaka gha Ruva, ni gha telele na telele. ndhata ya vumangi wapho ni ndhata ya haki. 9 Kundefura haki na ichukiwa ikondwa iamoro, hena icho Ruva wapho andekufia mafura ghenuliwa kuliko varoo." 10 Kuya kale, Mndumi, alevikie msingi wa ithanga. Kaghu kwa Ruva ni ndima ya mavoko ghapho. 11 Tareka, mira iwe kwaendelea. Fyoshe fyalala tha nguvo. 12 Kwatikoda koda tha ikoti, nato tabadilika tha nguvo. Mira iwe ku uya uya, na miaka yapho ikasieyo." 13 Mira ni kwa malaika ungaa Ruva arerie maghari ghoshe, "Ikaa kuvoko kwakwa kwa kyumi mpaka ho handu naghevachemba vanzo vapho iva kiphumbi cha marende ghapho"? 14 Ni amuulitha, malaika voshe sivo mbeho tirumiwe ivahirira na ivatunza vaya vagheora ikira?