1 Henaikyo nimithari futhongore mnu ivika hena fiya fuchue, kimacha funaghe vikwa mbarini kwa nafyo. 2 Ang'u kole mburi igaiwe mi malaika ni keni, na kila ikotha na ikondeka fichighuhia mariho, 3 fwairima kwia itethia furami thare ikirwa li irwe? --ikirwa ngeyo yereriwe ni Mndumi na ivonwa kweru ni vaya vauchue. 4 Ruva nawe aurorere kwa maluvengo, firumo na kwa mihiro mirwe iha na haya na kwa zawadi ta mbeho mcha aghavie ifumana na ifura yakwe weweka. 5 Ruva avikie we ithangayo yachecha ngeyo fufwalirera mburi takwe thinyi ya malaika. 6 There kwio mndu mlive avonirwe handu halive akirera, "Mndu ni iki hata uirime imkumbuka? kana mwana wa mndu umtunze? 7 Kunamvika mndu ave mndu ikela malaika; kundemraa ngoki ya ngatho na shima. "Na kundemvika kaghu ya ndima ya mavoko ghapho.(Zingatia maneno haya hayapo katika nakala za kale.) 8 Kundevika kila kindo thinyi ya marende ghapho." Henaikyo Ruva andevika kila kindo thinyi ya mndu. Areghie kindo kyokyoshe ngecho kirake thinyi yakwe. Mira luvaha kwii fuvoni fundu kila kindo kindeva thinyi yakwe. 9 Hata kwio fufwavona ngewe alechembiwe hena igheri thinyi ya ikela malaika -- Yesu, ngewe hena vandu vwelithwa vwari na kiphwa kyakwe anderawa ngoki ya ngatho na shima. Hena kwio luvaha kwa mbora ya Ruva, Yesu alethonja kiphwa vundu vwa kila mndu. 10 Ni le sawa sawa Ruva, kwaku kila kindo kike kwa fundu vwakwe na iiria kwakwe, kimtarire avaende vana vengi hena ngatho na ku kimtarire avike hena ikia yavo uve utimirie iiria ilitwa vwathi vwake. 11 Kwaku imwe vavi uya achigimbika na vyaya vagimbikiwe voshe vafumie hena kifumie kimwi, Ruva. Henaikyo uya ngewe akyavagimbika kwa Ruva avoni we iraghwa ivailagha ndughu. 12 Akyaghamba, ninatangatha rina yapho hena vandughu vakwa, ninaimba ikuhusu iwe ifuma voshi ya luvungano." 13 Kangi aghamba, "Nairikilia hena iwe." Na kangi, lambua iha nike na vana ngevo Ruva anjinikie.'' 14 Henaikyo kwaku vana voshe va Ryva vachi shiriki mwiri na ndhakami, kwio kwio na Yesu atumirie findo ifyo, kimacha iiria hena kiphwa airime imleghesha uya ngewe aghire nguju kaghu ya kiphwa ngewe shetani. 15 Iki kivie kwio kimacha avavike huru vaya voshe ngevo hena iovoha kiphwa vaikee igheri yavo yoshe hena vuthoro. 16 Kwa kweri thi malaika avatashire vo. There kwio, akyavatasha mbare ya Abrahamu. 17 Kwa kwio, kimtarire we ave tha mdughu wavo hena njia toshe, imacha airime iva kuhani mrwe aghire mbonea na mgherinda kitengo hena findu fya Ruva, na ku airime ighira nguju yereghea thambi teru. 18 Kwa ku Yesu weka alighie vwari, na igheshwa, ana nguju yetasha vaya vakyagheshwa.