1 Inyi ni Paulo mrumwi. Inyi thi mrumuri ifuma kwa vandu nyi, neri iiria kwa vandu, mira iiria kwa Yesu Kristo na Ruva Papa alemfunyire ifuma hena ngoma. 2 Hamwi na veru voshe na inyi, ninaghaandikia makanisa gha Galatia. 3 Mbora na ive kwenyu na mborere ifuma kwa Ruva Papa weru na Mndumi Yesu Kristo, 4 alekufunyire weka vundu vwa thambi tdheru netha ka afukire na magheri gha gha vuvichwa ifumana na ifura ya Ruva weru na Papa. 5 Kweke ive ngatho tele na telele. 6 Niyashangaa iku mmwaghalukia fia hena injili ingi. Niyashangaa iku mmwaghalukia kua ifuma kwakwe uya amnileghe hena mbora ya Kristo. 7 Haghire injili ingi ho mira haghire vengi hena vandu venyu vachivasababishia vwathi na ishigha ighalutdha injili ya Kristo. 8 Mira hata kole nifwe kana malaika ifuma kaghu kwa Ruva amutangathia injili ingi there iya fumutangathirie na alaaniwe. 9 Thavundu fulererie kuvoka na luvaha narera he kengi, "Kole hana mndu achemutangathia kwunyu injili kivungi na iya muighuhirie, na alaaniwe." 10 Kwani luvaha ili ninashigha nirorwe keni ya vandu kana ya Ruva? Ninashigha inulitha vandu? Kole ninathika ighera inulitha vandu, inyi thi mndima wa Kristo nyi. 11 Veru, ninashigha imwe mumanye iku injili niibirikire ifumie kwa vandu yo. 12 Thiighuhirienyi ifuma kwa mndu neri thifundishirwenyi. There kwio nile kwa irughukwa kwakwa ni Yesu Kristo. 13 Mundemiichwa mburi ya miikalie yakwa ya kala dini ya kiyahudi vundu nilechilitha vwathi kanitha lya Ruva ikela kipimo na ilikonda. 14 Nileendelerie hena dini ya kiyahudi ikela venu vengi va Kiyahudi. Nilechikudindisha tamaduni tdha papa vakwa. 15 Mira Ruva akafura injithaghua inyi ifuma hena ndenyi ya mama. Alenjiileghe iiria mbora yakwe 16 imtambarusha mwana wakwe voshi yakwa, netha nimtangathe we maghari ya vamataifa. Neli thishighienyi itethewa kimwiri kana kwa ntdhakame 17 na thikwerienyi ihenda Yerusalem kwa vaya nghero nile varumwi kabla yakwa. Badala yakwe nikaghenda Uarabuni na baadae ivwia Damesiki. 18 Miaka iraru ikinathie nikakwea Yerusalemu imkusha kefa, nikaikaa nawe mifiri ikumi na itanu. 19 Mira thivonirenyi varumwi vengi there Yakobo du, wavo Mndumi. 20 Lolea, mothia ya Ruva, thialembanyi kwa kiya niakiandika kwenyu. 21 Kangi nikaghenda mikoa ya Shamu na Kilikia. 22 Thilemanyikie nyi kwa mitho kwa makanisa gha Uyahudi ghaya ghaleke hena Kristo, 23 mira valechiichwa du iku, "Uya nghewe alekyafutetha, luvaha akyatangatha miirikirie iya alekyaikonda." 24 Valekyamtumbisha Ruva vundu vwakwa.