1 Paulo mrumwi wa Kristo Yesu kwa ifura lya Ruva, na Timotheo mnduweru, 2 kwa vagheamini na vandu vecha hena Kristo Yesu vake Kolosai. Mborere ive kwenyu na vucha ifuma kwa Ruva Papa weru. 3 Nfwafunya na havache kwa Ruva, Papa wa Mrumi weru Yesu Kristo, na nfwamuombea kila mfiri. 4 Fundeichwa miirikilie yenyu hena Yesu Kristo na ifura mulighire kwa vaya voshe vavikiwe vundu vywa Ruva. 5 Mughire ifura fundu vwa ikuji lya keni lyivikiwe kaguu kwa Ruva vundu vwenyu. Mulechuefundu vywa ikuji iyo lya keni kabla ya kirero kya keni, injili, 6 arigu ichie kwenyu. Injili ii iyaghira iyaghira ndunda na iyaghenda ithanga lyoshe. Ivie iyahira kwii voshi yenyu kangi idungia igheri mukinaichwe na ikulosha vundu vya mbonea ya Ruva hena keni. 7 Ii niyo injili muilosherwe ifuma kwa Epafra, mmbwie weru mhiri uroo, we ni mhiri mchaa wa Kristo fundu vweru. 8 Epafra ahirire umanyike kweru ifura lyenyu hena mbeho. 9 Fundu vya ifura lyii idungia fukina ichwe kwii funaleka imuombeafwe. Fuvie nfwa mulombea ku muichurwe keni ya Ruva na ifura hena vuchavoshe na imanya lya kimbeho. 10 nfwa tereva ku mwaghende kwa irimilia lya mndumi hena irira lyinulirie. Fundemiva nfwa tereva ku mwaghira ndundu hena kila mwakihira kivekicha. Nakumwava hena vucha vwa Ruva. 11 Nfwatereva ku mwiirima ighira nguju hena imanya ianana na nguju tha vurwe vwakwe hena imanya ianana na nguju thavurwe vwakwe hena irimilia na ikuma. 12 Nfwalomba ku kwainuliwa, mwafunya shukrani kwa Papa amufanyire imwe mughire handu urithi lywa vagheirikia hena kilanga. 13 Afukirire ifuma hena nguju tha mma na ifuthanirira hena vumangi vwa mwana wakwe amfurie. 14 Hena mwana wakwe fukirirwe, ireghewa thambi. 15 Mwana ni mfano wa Ruva arakya vonirwa. Vimgheghirwa wa kuvoka wamghevumba voshe. 16 Hena ikyo kwakwe findo fyoshe fivumbiwe, fiafike ifwo kaghu, na fikeithangenyi, findo fichivonirwa na firachivonirwa. Ikiva ni utawala na nguju na magheri ghoshe, na hena we findo fyoshe fivumbiwe niwe na kwa vundu vwake. 17 We avekeho magheri ghoshe na hena we findo ryoshe nfwa wararithwa handu hamwi. 18 Nawe niwe mrwe wa mwiri yani kanisa we niwe wevoka na mgheghirwa we voka ifuma hena vaghefwa, heikyo aurenathi yevoka hena findo fyoshe. 19 Kwa kuruva alenuliriwe ku ikamilika lyakwe lyoshe uikae voshi yakwe, 20 naivunganya findo fyoshe fundu vwa mwana Ruva akaende mborere iiria damu ya mthalaba wakwe. Ruva akavwighiria findo fyoshe kwakwe weka, ikiva ni fya ithangenyi kana ifwo kaghu mbinguni. 21 Naimwe kwa igheri limwi muve vaghenyi kwa Ruva na muvevanzo vakwe hena ikaghaa na findo fivichwa. 22 Mira luvaha andevachembea kwa mwiri wakwe iiria kifwa alehirire kwii kimaha amuende imwe vandu vecha muraghire ilaumika bila idoa lyolyoshe mothia yakwe, 23 kole mukaghenda hena miirikilie iya mudindishirwe na wa vecha, bila ivuthwa hacha hena ikuji nai pata nguju ya injili muleichue, ii niyo injili iyamule virue kwa Ruva. Iiniyo injili iya inyi Paulo, mhiri wa Ruva. 24 Luvaha nnaichwa kicha vundu vwa mavwasi ghakwa vundu vwenyu. Nainyi nnakuvika hena fia fipungurie vundu vwa mwiri wakwe, ninge nyumba ya Ruva. 25 Inyi ni mhiri ndima wa nyumba ya Ruva, nainyi nivikiwe ifuma kwa Ruva vundu vwenyu, iichura kirero kya Ruva. 26 Ilu ni ukeni lwa thiri ilethughenwe kwa magheri mengi na kwa vagheghirwa. Mira luvaha kinderu ghuliwa kwa voshe vairikilie hena we. 27 Ni kwa vaya ningevo Ruva aleshighie ikufunyanya, fundu haghire vuthuri vwa vurwe vwa keni ii hena vaithanga. Niku Kristo ake voshi yenyu, na nguju tha vurwe vuchie. 28 Iu niwe fufwa mrere. Mfwamrunga kila mndu, na imlosha kila mndu, kwa mgito woshe, netha fumuende kila mndu atherere kwa Kristo. 29 Kwa vunduvu inyi nnakubadilisha naikwiirima ianana nguju yakwe iyahira ndima yakwa hena iirima.