Sura ya 6

1 Kwa kwio, thira ndima hamwi, fuamuterebha imwe, muvaghuhia mborere ya Rubha iraghire matokeo. 2 Kwa liya muarera, "Igheri niirikiliwe nigheke kindokicha kwenyu, na hena mifiri we kiya nighe mughenjere." 3 Fukifwabhikafwe ighweye ringilia mothia ya mru wowoshe, kwa liya furakyashigha huduma yeru iendwe hena matumbi mabhichwa. 4 Kibhungi kyakwe, fuakulolea fweka heha ihira yeru yoshe, iku fubhahiri bha Rubha. Fubhahiri bhakwe hena fingi hena (iirima) irimiliya, mabhwathi, na bwathi bhulemie, maisha there mecha, 5 ikabhwa, ipfwunga, ilwa, hena ihira ndima kwa (nguju) ikathana hena ibhura mario kio, hena nja, 6 hena iela, maarifa, irimililia, bhucha hena ngoo mcha, hena ifura ya keni. 7 Fubhahiri bwakwe hena kirero kya keni, hena nguju ta Rubha. Fughire thilaha ya keni kwa njia ya kubhoko kwa kumrumi ne wakumtho. 8 Fukifwa hira ndima kwa heshima na idahwa, hena irerwa ubhichwa na itumbishwa fuarerwa fubha mongo na wakati fubhakeni. 9 Fuahira ndima thafura manyikiye na kangi fumanyikiye kindokicha. Fuahira ndima tha fuathibiwa kwa fundu mihirire yeru mirakyo thi fundu bhaahumu hata ipfwa. 10 Fuahira ndima tha fughire ibhabhiwa ni ngoo, mira mifiri yoshe fughire inuliwa. Fuahira ndima tha bhakibha, mirakyo bhengi bhaabha bhathuri, fua hira ndima thaiku fua pata fwe kindo. Mira thafua miliki kila kindo. 11 Fuarera ukeni woshe kwenyu, Wakorintho, na ngoo teru ndinderughuka kwa upana. 12 Ngoo tenyu tiyaringili wato niifwe, mira muaringiliwa ni mariri kano ghenyu mweka. 13 Lubhaha hena ighelacha na hena keni - niarera tha kwa bhana - rughuenyi ngoo tenyu kwa upana. 14 Munapfwungiwa hamwi nabharaghire miirikilie. Kwa lia haghire bhumbwie mawie hena keni na ilegha? Kangi haghire ushirika mawi kati ya kilanga na mma? 15 Ni iirikiana mawi Kristo airima ibha nayo na Beliari? Kana ngewe airikiliye ighire thehehu mawi hamwi na arairikiliye? 16 Na haghire mairikiano mawi ghakeho hena handu heta thia ha Rubha na thanamu? kwa lia ifwe fu handu hetathia ha Rubha akei, tha fundu Rubha alererie: "Naikaa hamwi nabhona iibhara maghari yabho. Na bha Rubha wabho, nabho bhabha bhandu bhakwa." 17 Hena ikyo, "Fumenyi kighari kyabho, na mubhikwe kuwa nabho," arerie Mrumi. "Munabali kindo kibhichwa, na namukaribisha imwe. 18 Nabha ndiyo kwenyu, naimwe mwabha bhana bhakwa bha kyumi na bhakika," Mdumi mgheirima.