Sura ya 1

1 Paulo, mgherumwa wa Kristo Yesu kwa ifura ya Ruva, na Timoteo weru, hena kanitha ya Ruvu like Korintho, na kwa luvungano voshe wake hena mkoa woshe ipfo Akaya. 2 Mbora iikae kwenyu na mborere ifuma kwa Ruva Papa weru na Mndumi Yesu Kristo. 3 Ruva Papa wa Mndumi Yesu Kristo na vatumbishwe. We ni Papa wa mbonea na Ruva mghehoresha ngoo. 4 Ruva achifunulitha ifwe hena mavwathi gheru ghoshe kimetha fuirime ivahoresho. Fuvahoreshe vengi kwaku naifwe Ruva afuhoreshere kwiokwio. 5 Tha fundu mighesho ya Kristo ichiongereka vundu vweru nimikwio na itajwa yeru lichiongereka iiria Kristo. 6 Mira kole mmwalithwa vwathi, ni vundu vwa itujwa yenyu na ikirwa yenyu. Na kole mfwahoreshwa ni fundu fwa ituja yenyu. Ituja yenyu nyahira kicha mukishiriki mavwathi kwa ivimilia fundu na ifwe mfwatetheka. 7 Na nguju yeru vundu vwenyu idindie. Fuichi ku thafundu mmwalithwa vwathi nimikwio thafundu mwahoreshwa. 8 Kwaku mfwashighafwe muve mafire, veru, ihutho mkede fuleghire kwia Asia. Fuleone riwe ikela fundu fwairima itikaka, thaku fuleghire hata ikujifwe ye kia he. 9 Ni keni, ku fuleghire hukumu ya kipfwa. Mira hukumo yo nile ku ifudindishe ifwe funakurikia ikuji ifwe fweka mira fuvike ikuji hena Ruva, ngewe ajifufua vapfwie. 10 Afukirire ifwe ifuma hena vwathi wa ngoma na akafukira he. Fuvikie ikuji yeru hena we ku afukira he. 11 Ahira kwio thafundu imwe muchifutasha hena maombo ghenyu. Hena kwio vandu vengi vashukuru handu heru fundu fupendeleliwe kwa neema funikiwe ifwe iiria maombo gha vengi. 12 Mfwakubahia iki: ushuhuda wa thamiri yeru. Kwaku ni hena nia njicha na iela ya Ruva ku fuleghendie fweka hena ithanga. Fuhirire kwii ifwe vose na thi hena icha ya ithanga, mira badala yakwe ni hena mbira ya Ruva. 13 Fukamuandikiefive kyokyoshe ngekyo murairima ikithoma na ikimanya. Nighire ikuji. 14 Ku kwa thehemu mundemi manya. Nighire ikuji ku hena mfiri wa Mndumi Yesu fwava handu henyu vundu vwa tiri yenyu fundu mwagheva kweru. 15 Kaku nileghire ikuji hena iki, kwia kuvoka nilikyashigha ici kwenyu kimetha muirime ipokea faida ye kushwa kando kavi. 16 Nileghire kyathe kyecha kwenyu mfiritho wegheghenda Makedonia. Kangi nilekyashigha imukusha he kigheri nikivwia ifuma Makedonia na imwe munjirume kigherikyo nikighenda Uyahudi. 17 Wakati nikinaririkana kwii ngetha nileghire matatanyi? Ngetha mipango yakwa ienene na fiwango vya mndu, kimetha nirere "Iye, iye" na "Hai, hai" kwa igheri limwi? 18 Mira thafundu Ruva nnge wakeni fwa rera vwoshefwe "Iyee" na "Hai''. 19 Kwa ku mwana wa Ruva, Yesu Kristo, ngewe Silvano, Timotheo na inyi fughambi mburi yakwe, maghari yenu, thiku "Iyee" na "Hai". Badala yakwe, we mifiri yoshe ni "Iyee." 20 Kwaku ahadi toshe tha Ruva ni "Iyee" hena we. Henaikyo iiria kwakwe fuchirera "Amina" kwa ngatho ya Ruva. 21 Luvaha ni Ruva niwe afuvia keni ifwe hamwi na imwe hena Kristo, nawe niwe afurumie ifwe. 22 Avikie luvengho hena ngoo teru tha dhamana ya kia ngekyo avefunika mifiri ichie. 23 Hena ikyo nnamtereva Ruva anjishuhudie inyi ku niiki kirumie thinacha Korintho ku ngetha nndemule mea imwe. 24 Thikwiiyo mfwaghera ithibitisha fundu miirikilie yenyu iashighwa iva. There kwio, fuhire hamwi na inyi vundu vwa inuliwa yenyu, thafundu muchimka hena mwiitikijo wenyu.