1 Kwa luvaha hena mburi ya makenda, weru haghire mburi ho ku kindo kyokyoshe kiandikwe kwenyu. 2 Kwaku imwe mweka muichi ukweri ku mfiri wa Mndumi uchie thafundu mrango achikokovea kio kimetha aive. 3 Vandu wakirera ku "Mborere na vahoo", niho konda ichivachia rutu. Ni tha ivoo ya mka mnyonge fundu lichimchia. Vakairime vo kwafyofyoshe iricha. 4 Mira imwe vandughu muke mwe hena mma mpuka mfiritho umuchie tha mrango. 5 Kwaku imwe voshe muvana wa kilanga na vana va mthaghari. Ifwe fuvana va kiovo kana va mma. 6 Henaikyo funalaa tha vaya wengi walele. Mira fukudindishe iralaabagha. 7 Kwaku vaghelaa wachilaa kio na vagheirwa wachiirwa kio. 8 Kwaku ifwe fuvana va mthaghavi, fughire kiavia. Furae ngavo ya miirikilie na ifura, na, kofia ya minya ngeyo ukeni wa ikivwa wa mifiri ichie. 9 Kwaku Ruva afuthaghuriewe ivuka vundu vwa ghadhabu, mira kwa ikirwa kwa njia ya Mdumu Yesu Kristo. 10 We niwe afupfwirie kimetha, kole fuke mitho kana fulee, mfwaishii hamwi nawe. 11 Hena ikyo munikane ikuju na ighenjana meka kwa mweka, thafundu mmwahira. 12 Veru, mfwamulomba muvamanye vandima vaya vake na imwe na vaya vake kaghu yenyu hena Mdumi na vaya vachimurunga. 13 Kangi mfwamulomba muramanye na ivanika shima hena ifura vundu vwa ndima yavo. Mughire mborere maghari yenyu mweka. 14 Mfwamulomba, veru: muvavunge vaya vwake kibanga kya fundu mupetene, muvanike ikuji vaya, varaghire ikuji, Watasheni vaya vashokeri, na muvarimilie voshe. 15 Mulolie hanaghira mndu wowoshe akyaliha kivichwa kwa kivichwa kwa mndu wowoshe. Hena ikyo muhire mighivo micha kwa kila umwi wenyu na kwa vandu voshe. 16 Nuliwenyi mifiri yoshe. 17 Lombenyi haraghire ihema. 18 Mshukurunyi Ruva hena kila kindo, kwaku kwio niyo ifura ya Ruva kwenyu hena Mdumi Yesu Kristo. 19 Munamvwagha mbeho mcha. 20 Munaudaha unabii. 21 Gherenyi findo fwoshe. Muvware kia kya keni. 22 Lekara kila kindo kighire njia ye kurethha. 23 Ruva wa mboreve amukoloshe hena iela. Ngoo, nafsi na mwiri fimtu mbishe haraghire kifichwa hena icha yakwe Mndumi weru Yesu Kristo. 24 Itho amuileghe nimgheria mma nawe niwe mghehira. 25 Weru, fulombeane. 26 Vairikire veru voshe kwa buthu ielie. 27 Nnamutereva hena ivina ya Mndumi ku barua ii ithomwe kwa venyu voshe. 28 Mbora ya Mdumi weru Yesu Kristo iikae hamwi na imwe.