¹ Aariyaarok gixsada aasi! Gixsar aa hhitururut nee aa xwaraxigw xwarit. ² Aafoor Aako Mungu akaa iari qasikang tam haraeeyada hho ar Aako Mungu akaailaotikang. Aako ngwaharaahhitir kang nee Mungu wos sleme ngu haraatsewuka. ³ Waawitooin an direerii oo ahhamima wa baraa tla/eriin. Har ahuuserin aa tuweroa baraa' sla/a kwada oo xwera gar gexawaakang ar matlatlero ta nunui. ⁴ Aaruser in aa muku lin /uuse oo dara/aa ma nee aa hhawatee amas kiki/a. Itsahhatuser in diida amohhoo ngina metagaasii ne alqadoda ngina hhitine. ⁵ Aako Mungu an hee haariim dir ine dakusa ngi baloo tlehhikang. Umoo matlatlero harimaros ngin sagesihhimiit. Gar ti luu/u ikahh baraa /awakemao tam idosiye mukuda harmar komaakang sleme kin kiliqi waslen. ⁶ Xor duin inahhitim baqmor in sleme kanahhitin. Yaamer in sleme ana sluhhay tleehh idosiye tam hee wak kaahh oo doos deliit. Gixisarin kana hhitin tam hee wak ikahh oo iwiwit wa diisi. ⁷ Anaa oo, Xuuti komaak ani idayuta. Ganaasa ilaohaak mtunda sii amor saaw wa baraa gixisar hung wa baraa toda slemeero nitleehh wa kuunga. Ang geera wo in waxar kona ar tlehhmiin ngiwa hhititina umodeloro. ⁸ Gawaa' idosiye o ar Aako Mungu na damaak ay dir balosi niwasihhit asma muku haritlakwenga slay. |Idoraan nislaa xoordu in burumbuur nee wawita sleme un burumbuur nee mune nere an gawaa in i kuus slehhemisa/e slemeero idoriye ayemoo slemeero ki guu/ nee munener asltae. ⁹ Daqane muu ngire afii hhoo i haniis tari ateet slemeero ner umoo Aako Mungu tan sihhit koda slemeero tikoma kure as gadiyus. ¹⁰ Amor bahhi barta yaer Etliiopia kodaa aani xirifemisa mukuekwada diya/aat ilaahho a kingi in huu asuma ani. ¹¹ Baraa' delosiye tundu qasika baraa daayeri ale asuma tlehhmihung taa ani tlehhe tam qomadee kwada na qwalala/ asuma aleeslemuhung in hengees wa dir hung nee asuma qomar tleer laqa pa/ang hhawakang oo tiwa xamisa laqa tawa hinu/usa dandoo tlomare ar Ganaamu. ¹² Nee tundun maw idor oo baray ta muku narkusero nee dir gowaay aa slera ner umoo Aako Mungu. ¹³ Hee ayaa Israeli deelo kaureekang dawaa /eetlo ngiwaa tleehhi nee lama ngiwaa oo nee tsifrangw lama ikaahh oo ta baraa afiiin ay in /aymisiya nee qaatiya ikahh tam oo wak oo ngi dae'eetsaat. ¹⁴ Dasir Sayuni daa afoo tleeseek Israeli qwalaa/ titii ner munoowok slemeero dasir Yerusalemu. ¹⁵ Aako Mungu sakwasleemarok ngaa hee ngees tlakuuseeerok ngaa guus amor saaw! Aako Mungu a wawtumoo Israeli baraa' tla/angw hunge tlakuusmo u malee da'ayuta aakang! ¹⁶ Baraa' deelosiye kaoo dir Yerusalemu, madaayu taar Sayuni. Dabawok min=mawar iwa sololo'ootiya. ¹⁷ Aako Mungu wok ibaraa tla/angwhung idirii kwada /uuruu koom oo tunduu baa/aamiis inqwlee/uus ner qwala/ gawaahung i ale iree xasliit gawaahung ner sla'aariros in qwal/oo kon gawaahunge nee in qwalala/ ner qwala/. ¹⁸ Baraa deelor afhhamit ar sikuku gwa'araa aheengees dir hunge har afiiqoomar tleereekang a hi'iimita'aakang. ¹⁹ Qaytsiit tiamoohho tlakuser hung slemeero ngirwa sadawiit qoomadae kwada taa amor sawi kwaahh in haraa ki/is in xirfees kiliqir in ana warqees tawa xirf. ²⁰ Qoomasiye tunduu gerhar qoomasi bindaa xeer tunduan haraagaas dinkwa ani muk daandoo yamu uamohhe'ees kuunga tunduwa ilaa iwaawi/i noe tunduuwaa xirfeemisi qoomar doosi baraa' aande dosiye tunaa ki/is baraa' ayaa hung Aako Mungu ikahi.