¹ Burumburiiti dir wak i ale kuunga kilohung kwasleema iwiitisaak dir /awaak burumburiite muku qoo murer komaa kang, ² dir tundaar bur qusiikang idor muunday wa ale dir muuneaer dihh ar Aakoo Mungu dir naar haar da likang. ³ Aako Mungu lelehhaak kuunga muu kuda slemeero ta ninawese geerawose kwada dandoo yamukae harae aaroe ngi ilaa iwaawu/a looemawos leeleehh aak. Ti'ininawes nee dooqa tundu deen baraa delor buhaa Aako Mungu. ⁴ Idooriye Gaza kageexay nee Ashkeloni in war qay iree hhi turuut Mukuu Ashdodi kun loholiis amor saaw tlaa tla/angw ale nee Ekroni kaan tuu/! ⁵ Ariyar in kwada bahhii tlawitawaa hoota kuunga muku Keretli! Aako Mungu ikaalii tla/angw hunge Kanaani ayaa Wafilisti. Tundun qwa arees tam hee wak i meetiikang. ⁶ Yaamusiya oo bahhii tlawi taare qawor deemulise nee maree bee/aangw. ⁷ Yaamusiya oo bahhi tlawi na meetii an daqariimar mukudoo Yuda oo bee/angw in ng'udeema waa baraasi muku in ta guu xweerowo wa baraa' doo Ashkeloni asma Aako Mungu in ngin gurtlaa mukuda laa tsegiit ngure watlis. ⁸ Waniqee oo Moabu unaa axaas nee muku oo amoni nguwa qo liitiga qoomar mukue nguwa waqasesena nee tire xirefemis wa baraa qamar in. ⁹ Gawaa idooriye idooda ani oo Aako Mungu nir hotaatiim tii a oo ar Israeli yamuu oo Moabu i idoo Sodoma tleehh nee muku oo Amoni taree iror Gomora aa dir nanagi nee bohontoo diwi taree yamuu kwankwar mo tlehhitii kureraa kureer. Nee mukuee kwada aa meet i balina nee tundeer tlay nee muku oo ayaae koda aa meet i aliina tunde as wautiin. ¹⁰ Ti nin tiit wa dir Moabu nee Amoni asumaa daraara langw in iimir ngiwa waaiguusii muku Aako Mungu oo alesleemuu koom nguna goslitii. ¹¹ Nee Aako MUngu oo aleslemuukoom ngure daayutiya asumaa Mungu ida slemeero oo dandoo yamu ngu wani quusi umoqoohee inos kure igurungeeriit, umoo hee o naa tlay wa diros wa baraa' bahhii i afkoo tlawi. ¹² Kuunga muku kushi ahhaanda slemee ner pangar Aako Mungu. ¹³ Aako Mungu dakos ngunaa gawti tlees bahhii /uya muku Ashuru ngure ttsuu/ gawaa idooriye Ninawi kanqooroos ke male qooroos yamu kaahaar iree metiya. ¹⁴ Nee daqta hikwaa ire diidii tlahhas umooqo makitoor baraa ayemoo dimba dimbay tsuhhlala nee samtaa in hungu /uusiya ner hhaa e moin afoo kanaa axa as ner pa/e eri gidaaba hhaprer yariir idir afku do sahhtar in kana qomemees. ¹⁵ Diri aa gixsaar tawaa qwalala/i ne tan hooti xuree ikahh tada aa o baraa' mununos i ale Aani aa deer nee hee ha tlaa ikaahh oo slaqamis nee Aani asumaa idosi tiwalaqaan tuwaxirif aa dir qatoo makaay barawose. Umoo hee diros aar waraahh in fee nee kunday ngwe mumukus amor hee.