Tsufay geera

1 Daang ur o Suleman Dasir ta xavus i axwes amor slaarusmoos. 2 Tam tsini bira maas nar maasar fakok asma slaarik ka ur tam mvinyo baa/a. 3 Di/itok ar imbilaxatorok i moyang hho as umook ador moyang harweririm adosiye tiye itlawaa i slayaa. 4 Ao tlawaang amorok nee atii man tlare axwes umogidaba wawtmo ami ar tlay amor doosi baradoos idahasi hare axweriya nee slaarusmoos nar qwalaa/ aqwalalaa/ as kuung mawari ni baraa/ as tlaarirok ka ur tam mvinyo ba/a. Nee i harin kuwa slai nee tiyey hatlaa. tlare i axwesiya nee tiyey hatlaa. 5 Aning ti boo/ ala ti hhohhoo kuunga dasu nee hhawate Yerusalemu boo/ ador hemar Gedari hhohhooo ador inqwarir Sulemani. 6 Aning mi wa/o/omor wa ga/awaru asma tiwa boo/ as tiwa daa/ nee tseima. Na/a ayree imunener konar dandoo wa ale nee ina dausmo tlehhi oo qaymar sabibu ala qaymaro ee ar sabibu a kaamohheesika. 7 Slaarusmoe ti dioo dir morog kuwa deen? Tlahhasarah ar tlatlaang a dilaah? Ihi ga mas to tipus amor moro muluquserok? Slaan smoos inailawats. 8 Ki tadaa hhoho gara /amenara kala/ar moroe na digdelang nee delewok o araa kudeer wa bahhi tlemar deemusee. 9 Slaamsoo king ina slaqasiisnar farasi hhohho ar /amenir barafaraseye baraa' gardu Farao. 10 Tlaqar mowok ku hhohh nee sulgarok nee himtu ta dahas baraa' istok oo tlaxor gawaa. 11 Ani kiing i sulguu ner sahabu ta haragas nar pesa tlare inailawats. 12 Qomar wawtmo iwa qat gawaa' qatamron xarang moyang ee inatlay nar baradaa ale. 13 Slaarusmoe a kwee ador /ayta /ayumis baraa' qaimor sabibu or Eni Gedi. 14 Slaarusmoos ina ilawats amoros'. 15 are kitilowa hhohho slaarusooree ti loowa hhohhoo ilaok a idor tlawi tlare ina ilawats amor slaarusmoos. 16 Are kuu tulowa hhohho slaarusmoe tuhhohhoo. 17 Uhemi dooren a alema xai tabayi sahhata nee Hhefta dooren a xaatabay miberoshi.