Tsufay Tsar

1 Ani /ayta baraa tse/a yamu bohang Hhawata ina axwes. 2 Ador /ayitoor baraa' tla/ang laqaya kiislaamsor ee baraa' tla/eri dasu hatla tlemero andor ni dirii. 3 Ador xaino neera oitla/ang dai hatlaa dini an ador slaarusmoe tle/eri Hhawatewo. An iwirit baraa' mahhatimoos nar qwala/o ur /amiros i tsuu baraa tsaq. 4 Ina huu baraa' doo /ayma nee waraqmoos o a gawtitseg a slaari Hare ina axwesi nee slaarusmoos. 5 Aning /aymisa nar mandasi nee sabibu nee wqawang nar mafeera asma akasloo as gurhamiri slaari, tlare ina ilawats. 6 Dakos oo Basay ngwa sagoer oot nee dako /uyey ngwa aning oot, /ameni ina ilawats amor tiye hatlas. 7 Tundu har hhehhemis dasu Yerusalemu ador sifel nee gwarh baraa tlaa gidaba slaarireeni tii ahhitindaaka na mawak e diriikilos ifak. 8 Afor slaarusmoe axamiis kwisi ni hiiti in /akumiti nar gawaa tsinya tlomii. 9 Slaarusmoe a ador sifel laqa na/e ninawu oo gwarehhi a sihhit alu dooren iqaitsimit nar pa/ang. 10 Slaaruseree ana axwesan nee ani gidaaba altwan slaarusmoe o hhohhoo tikoman slemeero. 11 Asma delor tsaqwa awarah tluway a faak 12 Xai na harma/ii baraa' yamuwoo afoqomar alemaa /aresa nee qomar tsirio iwa daah nee afor slawa ila axamis yamuayarene. 13 Xaino tini /amuwos ahamar na Sabibu /ayumis xarang moyangos na slay. Tlawang slaarusere ki tadah hhohho atlawan. 14 Tlowitae i taraa tlae ure or maroo baraa tatlero tloma dasee gitseaongi ar aqoros ngi adas asma aforos i tsuu nee gitse/aos ki hhohhoo. tlare ina ilawats. 15 Intsawai ohimarii huwari itsawer ninak kwadaa qaymor sabibu hhititimaa, asma qaymor sabibu a /ayus. 16 Slaarusmoe a kee ani atoos in /ayin na walaa Hare axwes nee slaarusmoos. 17 Tlaw slaarusmoe din furaar xwera nar tlenka na mehheto nar sleyka. Tlaatlaw kuwa dor tlaqati laqa ne/o tsagani ar baraa tlomii tlauu yarir.