Tsufay Tam

1 Ga/aaweek ya/abusmooee ngu ya/aaw oo utuuwaa ngi tleehh wa geraa ee. Nee Aakooda ta lelehhita ni xay ner gaslaay baraa' Do'os nee yabusmoo alqado kwoda brawose tawaqwalala/a Qaytsiit ni harda ner gaslaay ti Aako aleslemusmo ngi oo'. 2 A maaa hee balor hardahamuwose qitli? nee hee sihhiit a maaa birta laqan? Inos a idor hee hhohhooeemiis ner asla nee idor sabuni hhutsiita. 3 In iwiit nee irewawiiti'in idor hee peesar hhohhoemiis, nee daqoo lawi ngun hhoohhoees nee ngire hhohhoees idor sahabu nee peesar wa alero nee ilahhoar gana'aamu amor Aako. 4 Nee ilahhooar Yuda nee Yerusalemu Aako ngure qwalaa/atis idor delodar qaror hee kureriida oo agaros. 5 Aluwo an waraahh ner isapayhung as nuwa as kwasleemuut nee ani tare lamabu'uusmoo ak islahh daandoo da/alusero fuquusero nee daandoo da/alusero fuquusero nee daandoo lamabu'uuser lama nee daandoo kwado sagadiyuse ngi barqatusa baraa'huwai nee kwe'eeli nee banay nee kwada dahayumo gusiisiim wa dir harimaros nee dir kwoda ani ila iwa wa/a' aka ti Aako alesleemusmo ngina oo. 6 Aning oo Aako a warqawaka nee kuunga sleeme muk Yakobo tunahhamiisika. 7 Imir lelor babi'iihung anawanrqere amor saw nee alqadoree aga amoohhemii'si'iika warqawaare amoree ani ni kii/ amorhung. Aako alesleemusmo ti ngin kah, Hhe'e akaata idor nir amoorok ii ki/aan a idola? 8 Xay iyaa/anda hee iwafiisin awa dir Mungu? kuunga agafusinde awa dir ee hhe'e akata idor nar fisiiman awa dirok a idola? gar wak bra moroo mibaango nee ilahhooaro agafise. 9 Kuunga xoroori sleemeero tuna Afus ner lo'o as tawa fisiisinda awa dir'ee. 10 Gar wak baraa mooroo mibaango huware ar ida koom baraa kuuntire'ee as gidaaba moroo/ayma iwaaderuut baraa' doeene isoo iaraare are idar Aako aleslemusmo ii kahi bra foxii'i dawri nga gweriika nee tsuq ngire ku'ua gawahung dir qaasa karee dakuusa. 11 Kwoda hhitusmoo uni gahhaat dirooge as gidaaba nguwa hhitiinaaka bu'ungwhuung ayahuung nee samiibuuhung baraa qaymoro /amuu ngu tliriisiika siwaros bira xeeriika Aako aleesleemusom ti ngin kah. 12 Xoordu sleemeero tare ooi o tatsuuq as kuunge ire aya qwalaa/ tlehhiit Aako aleslemusmo ti ngina kah. 13 Axweneehung agawuduy dandoeene Aako aleesleemusmo i kahi hhe'e akata gar ta axweesan a umos dandowoge? 14 Anakate gidaabar Mungu kus sagadiyuusan a umos slaslawar ta slawan aumos Alqadooros kawa amoohhe'eesan laqa tawa hi'iita a hara wa/aa/usa wa geera Aako aleesleemusmo? 15 Nee hindi kwoda saga gawiit an hee tawaa' kahaaan kwa tsuuq muk daba tlakw a har amohhoa kiloseka sleeme Mungu' ngun iaraa'ani ya nee ngwa gexaaye. 16 Aluwo kwoda (Mungu) Aako ilaaiwaawa/a tana kil'in axwees wak wak Aako ngina iari gaas nee kitaabuu inslaslangwa kure goin geerawos wa ale as kwoda Aako ngu daiyumita nee umoowos ngu ila iwaa wa/a'. 17 In kwe'ee tlehhiitya Aako aleesleemusmo ii kahi qasiree baraa delor niw gadiyuus in slaa idoda hee garmaawos kwoda ngu sagadiyuusi ngur slai. 18 Ak aleero idor kwoda ganaa'a nee kwoda tlaa tar dimbay nee tla/angw kwoda Mungu' ilain wa/a nee kwoda ngu ila iwawa/a'aaka.