Tsufay tsar

1 Nee hindi kuunga makuhani alqadori as kuunga. 2 Bar aga iar i qaasi'iika nee bar aga bar munamgaahung i qaasi'ii'ika nee kirfu nguwa hariisa ner umooe Aako aslesleemumo ti ngin kah sleeme loo ngin ya/aaw amorhung nee tsuqarhung a lu'us loeemawo tunaqaeoohhe'ees lu'usrao asma haraa'ayari ee aqaasika baraa' munawok. 3 Qaytsiit ani xwaylarok aigahhaat nee getse/aawok i sliik ar /oo/odu makayda oo ilahhoarhung nee tunuratlay nee morohung dinkwa. 4 Nee a tsahha gidaaba alqadori ngina ya/aaw amorhung as gidaaba alqadair ee a dinkwa nee lawi Aako aleesleemusmo ti ogin kah. 5 Alqadonee nee lawi a alqador slafiingw tawa idor ani ir ilaiwaa/i ina ilaiwaa/ nee ire sihhiit daaye nguna eer as umooee. 6 Intsahhar loeema in baraa' afukos ii diri tam gar tlakw afkose ka slayiika inahi'iimiit ner gana'aamu nee ani nee awa tariir ngina di/iis wa baraa' iringe. 7 Asma afer makuhai ngin amohhe'eemiis nee muu hara'aaya kan lelehh wa baraa' sago's asma inos tawa ya/abuumo Aako aleesleemusmo. 8 Hhe'ee ana amor saw del dir uruwar gana'a muk yarir uga amoxwareese ngire eer alqado kawa iloees alqador law agahhitinde Aako aleesleemusmo ti ngin kah. 9 Asma idosiye kuunga sleeme tuna to tlehhe tunuwawaqai geera muko asma uruwaree aga harmagahhii'ika gartatlehhita a barqaanti baraa' hardayarhunge. 10 Aten sleemeero Baboren a wakeke? a munauheeke kwoda tunatleehh ate sleemeero? Ihii gari a umos hee nee hhiyawos tiwa morootlakw i tlehhitiya haraa'ayar Babii'ihung mas hhitlii'tinda? 11 Yuda idor slasla/ar nga slehh nee muna gwafaak as moroda taqaasi nee Yerusalemu Yuda dida hhohho ar Aako nga slasla/aresi toda slai nee dosir mugaa hatla nga duux. 12 Mungu uharatsaati wa mor doo Yakobo nee xwalar hee ti nga tlehh, tam kwoda ilahhoa nga huwi dir Aako alesleemu. 13 Nee kuung sleeme idosi tlehhe didar an tuntukuun ner hhirhheeri nee nar /aa/ee nee ner slahha'amaye asma ilahhoarok ngi ya/anaaka nee ngi ilaohhka wa baraa' dabawok. 14 Alamitia kat asma umoos? Asma Aako a lamabuusmo tla/aangw kuung nee harerok ar ba/itok agaikihhi ndika dirose tam inas a harerok ar alqadoroge. 15 Xay inos kuunga tuna wak tlehhike tam nerqeruuwos? Ihii hhe'ee gar tunusa wak tlehh? Asma gerho na/ii Mungu ila iwaawaa/a ngiwa slay as idosiye ti kilog harnagahha baraa' munawoge nee miwa deruut hee harer mosombi'iimaros ngi (siasi) oo inkihhimo komaaka dir hareros ar ba/itose. 16 Partlito asla'aaka Aako Mungu Israeli ti ngin kah oo inqwarituntukum or hara/utsa Aako aleslemu ngin kah gawaa' idosihe tiharmagahh baraa' qeuwuge ma hee iwasl tlehhitar. 17 Aako ugaslaqatise ner /aymeri Hhe'e idor ar slaqatisan? Tawakata umoo hee iringe nga tleehh ku hhoo barta Aakowo nee i qwalalaa/ nee inooin laqa i amola Mungu Ganaa'amu?