1 Ilawaatsta /ayimu Mungu dir muk Israeli. 2 Unaslaa Aako kaahi Hhee kuung a kat idor tunar sla a idolaa? Xay Esau a hhiyaa Yakobowoke? Aako kaahi, Nee tam hindi Yakobo un slaa. 3 Ala Esau ugaasii'i tlomii'iwos iga dewaa meer aw nee aliros aga hotaarir intsawer baraa xaaxaay tleehh. 4 Muk Edomu barta oo tuna diif ala aqooki/aan nee dir ta hhitiin a slehhan Aako aleeslemuusmoo ti ngin kaah, ngi tlehhiiya ala in tlirii'is yaamu nee hhawaate tareee oa ayaa lo'or koom nee muk Mungu i mununer ii kon alhhe'eesay wasle. 5 Tii a anda ner ilahung nee tay oa Aako ku ur geera qamar Israeliwo. 6 Na/aay ii baboin ila iwawa/ nee lawala moo i aakoowos ila iwawaa/ hhe'e ani bar babohung ila iwa/aaneree i galay nee ani bar Aako ila iwa/aamer ee i galaay? Aako aleslemuusmo ti ngin kaar dir kuunga makuhani oo umooee waqaawaqa hhe'ee a kata idor umoo wak ngwar waqaa'an a idolaa? 7 Moroo/aymar tligoo koom un hanimiisa dir kitangw ila hhoar ee nee a kata idor ar waqaa'an a idola as idosi ta kataa moroo/aymar Aako kwa waqaa. Bar ilahhoar make tanpu nga harse gasi a iringedeka? Makay taqoray nee oo Mamaa/a gasi a iriingedeke? Huwaak dir qa/awuusmo iso tunualeya/ana laqa getse/ahung ngin tleesa? Aako alesleemusmo ti ngin kaah. 8 Bar ilahhoar make tanpu nga harse gasi a iringedeka? Makay taqoray nee oo Mamaa/a gasi a iriingedeke? Huwaak dir qa/awuusmo iso tunualeya/ana laqa getse/ahung ngin tleesa? Aako alesleemusmo ti ngin kaah. 9 Nee hindi a mak tsuqa Mungu lelehhita as gidaaba iwa hhoay dirhunge, nee a ilahhaa gala ar dirhunge getsehhung ngir tleesi? Aako aleslemuusom ti ngi kaah. 10 Gerho bar hee i deer oo tsufay doo slaiingw ngu tseeg as gidaaba asla miwa derut dir kilangw doo ilahhoar eene qwala/ u koomaka dirhunge Aako aleesleemusmo ti ngin kaah, nee ilahhooar qoo dabahung daahh a ya/aamaka. 11 Limir amooda loa niwa ti'iimit ay amooda i daraat umooee kulowaaiatlees baraa' tla/angw xoorduuwo. Umoo diro moyangw tsuu kudaa/ ar umooe nee sleeme ilaahhoar hhohhoo ka hariis as umooee. Asma umooee kolo'oowa ia tlees baraa tla/anaw xoorduuwo, Aako alesleemuusmoo ti ngin kaah. 12 Hhe'ee kuunga umoo'ee unligiita tawa o iinda mooroo/aymar Aako kwa tligoor ay nee /amuuwos nee mooroo/amarose i waqa'aatiit. 13 Nee kuunga a kata kangwi aten tinar slangw kuunga uniwaqaqaa'a ti Aako alesleemusmo ngin kaah morooda na bu'uunda wa dir makay sla/a nee togoray laqa kwada tiqa an moro ni ilahhoar wa hubinda xay ti aqooilaoola wabarudabahung Aako ti ngin kah. 14 Kulu'uusi hee al/aymusmoo kwoda makito oor yaqamba ngi kom baraa' daqatose ngire oo ngiwa hariisi dir ee hariimisi ani oo Aako a ur ti ngin oo Aako aleesleemusmo, nee umooee ku da'aat baraa' tla/angw xorduuwo.