¹ Tarumbeta tahhe wa baraa' Sayuni na u wagawa tlomar e ar kahho! Asgaduyus sleme ar aya idararaxiye nar gurahami asuma delor Aako nihiit aloema na tsewur. ² Adelor abo/er na kabo/o adelor tlafo na abo/ar lowa ur ador matlatle abuurti gawaa tloma jeshir ur nar /uuu na harahardat. Nabaloriitikang jeshir ador tisi na ibalourerakang maleale tam aluwo qoma xwayilar yarid. ³ Asla umogaro ngin/ay ar gerawos na aluwose asla iqoot. Ayasi ador bustanir Edeni gerawose dagane aluwos kwangwa rumo idor owahhturut. Loema ikahh gar wafirim. ⁴ Slaqase jeshi ador farasi na in tiina ador muku farasir tsa/a/a/am. ⁵ In /akumitiya nar uumo ador tada ara gardu gawaa'tsimiya tlomii ador uumor hee ngihhu gidaaba asla gitso ngaqwa res ador jeshir /uru arabuut asuma slaqwara. ⁶ Geraine mu ibara slahhaame na gitse /ain slemeero inkalu tlehhiya. ⁷ Inti'iina ador muku slagwara o/uru koma ku/uung nguntsa/a/ana ador askari inhiitiya umohewo nar digir na hhayiin ngahhitiniilang sleme. ⁸ Nasleme tamowak ikahh okoqa ngwa gonoos bahhi in hitiya umohewo nar uruwaros inoin ngin geqaya nar uru war xumo na sleme aluuma bahhi hhayewoka. ⁹ Tan ti'iin ayemo uren tan ti'iin baraa ku/ung tantsa/a/an baraa guruo do na in wararahhiya baraa dirishadu ador fisuse. ¹⁰ Aya inadingin wa gerain dawari in dararaxiya tse/ima na slehhengwa inabu/aye na tsetse/e sleme ulumu qu namay. ¹¹ Aako afoeos ngin tles wa gera jeshiros asuma mukos aslaqwara kulowa ur slaqas imini a muku /uru kom kwada kahiros tlehhita asuma slaqas delor Aako kaur na kaxisif lowaale. Amaa he hotari ngiale slaw? ¹² Tam hindi in kay Aako ki/an amor ani nar munaner hung slemeero. Nar gaslay /a na hhimaus. ¹³ Fehhimisak munanehung atlabahungekang kiloin na ki/e dir Aako Mungu hung. Slaqas suma ahe hehhoar kom na gurtlemu kom ahe islahhhekang wa munaane na yarema baraa' kaitos ar agano na sleme warqemu burngwa sla asuma slahhaamu. ¹⁴ Ama hengixu? doqa ibira warqey na gurtlemu qukon na gitse /a hho nginagexay aluwos ale sakaka puru na sadakar wahangw dir Aako Mungu hung? ¹⁵ Tahhe tarumbeta amori Sayuri /akaa asuma wa fungu kahho na burumburitar kahho /akaak. ¹⁶ Buruburak mu /akaamo suma burumburi tar kahho, barise burbure na/a burumbure na ba/a qereg. Aako arusi war=nekaroitiit wadir hatla abara dumbaduinaekan na amar arusi in tiit wa baraa' dumbaduin. ¹⁷ Daqane uruse asgaduuyuser Aako o/a/a mima suma wa dir hho na madhabahu. Idabawak mukok ti/aka aa Aako nasleme makeqok miduxara nar kiliqi daqane ayemo uren ibaline wa gawain. Asuma mila garkiwahho oaro watla/ang ayemo uren lamolo Mungu in? ¹⁸ Aluwo Aako an he amagahhi asuma ayawos na mulos nguna gurtlay. ¹⁹ Aako mulos ngunaidabay qaytsite tundu balangw ilu dibai ar /aben na di/i munanerhung kahhoe slemeero na sleme tundu kiliqir itlehhakang wa dir ayemo uren. ²⁰ In hingas kwad slaqwarar tlehhita wa /uya amor saw na kuunga na in warahhas baraa' ayko kaha na akwada ta gexay. amro geera jeshi in kaida na tlawita da/aw na amor alu kaid na talawit /iw /urkumewos itlay gawaa' na xarangos otlakw itlay gawatiale. Aloema moroo uren ngwatlehhit. ²¹ Madaayutara aya uruumise na qwala/e asuma Aako make xirfet gnirtlehh. ²² Madaayutara make baraa bohong asuma qawor baraa kwangwarimo iurareo xai /amuwos niansin na xai misabibu na misabibu ilaqwal na tsihhatos slemeero. ²³ Qwala/e kunga muku o Sayuni na qwa la/e nar baraa Aako Mungu kuung. Slaqasewos tluwe geera nguhamis nar wai na tluway ngunhu asuma kunga tluwa geera na tluwa domu ador qomada ar geera. ²⁴ Sakafu o buruqumis irehats wa ngano na xoslaa inhats asuma divair /aber na di/i. ²⁵ Tundualeslemu ihamis kureni Obalangw kwada ingigi a/ay palale ingigi na ingigi oqwaresa jeshit e ar /uruko tada naya/aw wa tla/awhung. ²⁶ Fa/ar yarid an/aya teaxa na umo Aako kwa xirifumisa Mungu hung kwada aleslemu ngwal=tlehhi dir kungaa sleme mukue nguhuwakang maleale. ²⁷ Atsahh gidaaba ani abara tla/angw Israeli na ani Aako |Mungu ok na sleme ohatla ikahhh sleme mukue ukiliqiri huwakang. ²⁸ Daqane aluwo gawatisihe munoe untloroq gawaa muku slaqo sleme na na/ahung na dasuhung an ngioiya. ²⁹ Bariserhung tlata ngitlatitina daqehung igute ngiariya. Seme wa gawaa lawale ar lawaler /amena delosi amunoe itloroqo. ³⁰ Majibu unlaqam gawaa dawri na dando yamu tsere asla na uhemi qui. ³¹ Tse/ima in bo/ay na slehhengw in tsere tlehhit qomar delor iwakahhatit ar ur ar xirif ar Aako qomar birnaxer. ³² Daqaneko gidaaba umohe kwad umo Yahweh ngwa/akai kuba/amis. Slaqas a gawaa tlomar Sayuni na Yerusalemu adirwak na kwada aba/ane aidoda Aako nao na dir kwada na metii kwada Aako /akakai.