¹ Gari a /ayimu o Aako kwadaa Joeli gwahaa daqay na/e o Pethueli. ² Ti ia tiqade kuung Obarise na axase kuunga Obara guruoaya aluwo ti agisindi qomar delorhunge laqay a qomar delor baabiilung. ³ Idabawek na/awok gawatisihe nangimaye na/awok oaro dir na/aina na na/ain qarta hiita. ⁴ Tada tagexay na tunutu kana/ay na ingigita uren tada tagexay na ingigi mara/a tsema ngina/ayi na tada tametis na mare /atsema kana/ay na madumadu. ⁵ Tlawari kuung oxufuse /a/e gurhanma kunga slemeero Oburar wahama asuma burar hhohho katsat wa amor hung. ⁶ Asuma slaqasay ayko uru naxay gawaa aya kwee ogawid na ifaror kondaka ngi /ayimeerios a /ameer Odirangw inos sleme /aymeen dirangw ngikon. ⁷ Garatlehhe qaymo ar Misabibu adir lowa xirtii xnoe nginartlay qafitos ngi nr taly ngekwahh amor swau lemwos a=ire /awukukuuye. ⁸ Gurhamute ador fangimo takuwafirikang ar guniyadu ngadahas asuma gwaarar hhaawatos oninawu. ⁹ Sakakar puru na sadakar wahangw kana tsat amoo sawu na doo Aako urese asg aduyuser Aako, tahhimaus. ¹⁰ Qamu hahhitin na aya sleme inabaraa ki/i asuma balangw kwa hhitiin burar /asen akat naa di/i kahhitir. ¹¹ Ki/i/i arat kuunga odosluse /a/a/e doslu see ao Misabibu nar ngano na shair asuma bung qamor aqaro hhiturut. ¹² Misabibu ahhituturut na xai mtini akali xai mlomamanga nasleme mitando na xai o epo xai slemeero obara qayimo inahhituruti nar qwalo/o inahhiturut waamor na/amu. ¹³ Gumyadu dahase tahhimaus, kuunga o uruse! a/a/aminda kuunga oasgaduyuser ma dhabalu qwalang qat amsi slemeero gawaa' guniyadu kuunga slemeero oasgad uyuser Mungu. Asuma sadakar ar puruna sadakar ar wahangw kaila/a amor doo Munguhung. ¹⁴ Atete nar burumburitar hho na atetale a burumburitar hho. Barise tibutumbute na muku ayasi slemeero idaqaye dir do Aako Mungu kwa na Aako kuas/a/aminda. ¹⁵ Gahhatar omo daqi asuma delor Aako nahara hardat. Asuma sleme ahhitira waamor he galo. ¹⁶ Daqane fa/a kaharatsatike amor sawuwa geera ilaren na qwala/a na qasengw oamor do Mungu ren dahh? ¹⁷ Dahasingw inanagumit wa guruo hhapreos kunto inaakahaarema wa iwit na mare xafti ma inahhare asuma balangw ahhiturut. ¹⁸ Idor makay iwa/a/amina yikwa o kifangwin waharirina asuma dir qawo ngikon aakang. Sleme burumburita be/angw in waharirind. ¹⁹ Aako an/a/amim dirok asuma aslaqawor braa kwangwarimo nga/ay na atla sleme xai baraa' qamu sleme ngafak. ²⁰ Nasleme make baraa'qamu in dahamisi asuma kuung asuma yau maay inakahi naa asla qawor baraa' kwangwarimo nga/ay.