¹ Axasak /aymu Yahwe aaxwes gawahung i ale, nee gawaa xyalar nee ndux wa aya misri tlemeero. ² "Kunga kilohung tunduna tsawar baraa xyalar dandoo yamuu sleemeero wa ale. Gawaa idosiye tundu nanaq asma iranger hung slemeero. ³ Xaysee o tsar taqo taqo alhiiti birta aleya/amikka? ⁴ "Xay Dirangw iahhi wa baraa sla/a qomar bar slakan ikahhi? Xay na/ay dirangw i ahhi wa baraa mer-iros bar gar-aoh ikahh? ⁵ Xay tsir /i ihuang baraa tsaxweli bar xoslmo ta qas asma inos ikahh? Xay tsaxweli i/akutang gawaa yamu bar gar-oha ikahh? ⁶ Xay tarumbeta kalahhi wa baraa muji nee muw tare daruaraxikaa? Xay tlakwema ixayaa baraa muji bir kinga huwika nee Yahwe? ⁷ Loemawo Aako Yahwe ga ngitlehhika aqo idosi itlehar tlai ngin gehhoes dir sagadiyuseros aruse. ⁸ Dirangw aqaroahh he daayutaka a amaa? Aako Yahwe aaxwes he arimaka amaa? ⁹ Gari oe baraa slumo wa Ashdodi, nee baraa slumoo aya Misri to-o ikahi, "Burumburitee baraa' tlomii Samaria araka idor hhituuma kar-diren dirose nee mini qimiso dirosidirii. ¹⁰ Asma ngiwaxuyaaka idor ganaamu kurtlehhi idori an idor Yahwe ikahi kwisiyaa /uru ngwaohiyee nee hhituruumaa baraa slumoin. ¹¹ Gawaidosiye idori an idor Yahwe ikahi. Thlakusumo aya nguharuwer. Ngu yamuiuruxa /uruwog nee shimoren ki lawahiima wa oh. ¹² Idori an idor yahwe ikahi, Idordeemusumo yaawos tsar kiloin ngirba/amis wa afko dirangw, laqa iaros, an idor na/aa Israeli kirba/amisi kodaa hotaa wa Samaria dinkwa nee dir qata nee dir qatini. ¹³ Axasee nee lamabuak gawaa dooo Yakobo idori an idor Yahwe ikahi Mungu xoroduu. ¹⁴ Asma baraa delor iringer Israeli ngiwa inanaq nee malla/angw Betheli. Xaremi matla/angw kitsat ire huiyaa yaamu. ¹⁵ Uhhitim doo tsaqwa nee doo durai. Xaremii doo iqororootiyaa nee meree uren iqwariyaa idori an idor Yahwe ikahi.