¹ Idor a idor Yahwe ikahi "Asma iringee tam ar Moabu tam ar tsiyahhe munener ee awarqesaka, asma faduu wawotumoo Edomu ngina daa/a ner aslaa ire chokaa tlehhitiye. ² Aslaa aya/aw gaawa Moabu nee ngi ngororoos slumo keriothi Moabu igwaa baraa gasia dinkwaa nee uuir afor tarumbeta. ³ Har ohusumo uhhitim tla/angose nee na/aa wawutumoo in tsu/uu dinkwa nee inose, "Yahwe ikahi. ⁴ Idori a idor Yahwe ikahi" Asma iringee tam ar Yuda, tam tsiyahhe, munner ee awarqesaaka, asma dabemoo Yahwe nga siiyee na alqadoros nga ohiika. Lamatiin ngaqwares todaa babiin slem ngina ehariyee. ⁵ Aslaa aya/aw gaawa Yuda nee slumoo Yerusalamu ngiguu/u. ⁶ Idori a idor Yahwe ikahi asma irigee tama ar Israeli, tam ar tsiyaahhe munener ee awarqesaka, asma muk tlakwemaa komaka nguna werisiyee ner hela nee nerkute ner hohhar wak ar makubadhi. ⁷ Inaoin gaawa sagar nerkute kana kale/an ador gawaa hhaper yamu kala/angwi tan tliwi/in nee tan miningimis. Hee wak tanaqat nee babowos nee dasir wak nee idosiyee umooee o hhohhoo kuna gotlit. ⁸ Inoin tanqaqatin yamuu tsewema nee umoo madhabahu baraa tlabaa ta ohin baraa do Mungu inoin dibai dar muk tadohhomis kan wahan. ⁹ Ikahhatiti Mwamori ugwa gerain wa hhames, kodaa tlenangos a idor tlenangw nierezi /uruuwos a idor /uruu mialoni. ¹⁰ Aluwo /amuuwos unahhitim gawaa nee de/aroowos yaamu. ¹¹ Arusee anatles wa baraa ila/anangw na/iihung tawaa muk ta al axwes wa baraa' msombarhung. Xay aidosiye kee muk Israeli? idori an idor ikahi Yahwe. ¹² Alaa inaqur/ayee muk daa taal-axwes mvinyo nguwa wahiyaa nee arusee anaila/ee aruuma ningiwa tlehhiyee. ¹³ Qaytistee tundunkala/aa idor kokotenir a hats qafoo todaa hee ngu aleslaw kale/aro. ¹⁴ He dir goway ngislawaka o/urukom /uruwos kilos dogaro ngualeslay ka tam pihhusumo tikilos ba/amisika. ¹⁵ O ga/ale nga qombitis isihhitika, o tiingw xuu itiinka o farasir medit tikilos ba/amisika. ¹⁶ Tam pihhuser difimamit tan gow ner /akwets balo siyee idisi an idor Yahwe ikahi.