¹ Panuma ya ifi fintu Yesu aisokolwele umwine na kabili ku ba sambi kuli bemba wa Tiberias. Ifi efyo aisokolwele umwine ² Simoni Petero ali pamo nabo Thomas uwali kwitwa Didymus, Nathaniel uwafumine ku Cana mu Galilee, ba mwana Zebedee, na bambi babili abafundwa bakwa Yesu. ³ Simoni Petero asosele kulibo ati, "Nebo nkoya kukwipaya isabi." Basosele kuli o ati, "Nefwe, kumo, tukoya nobe." Balile nokwicila mubwange, lelo tabaiketepo nelyo limo mu nshita ya bushiku bonse. ⁴ Nomba, elyo cali ulucelo ku macaca, Yesu aliminine ku lulamba lwabetama, lelo abasambi tabaishibe ukuti ni Yesu. ⁵ Eico Yesu asosele kulibo ati, "mwe balumendo, bushe mulikwetepo icili conse ica kulya?" Bali mwasukile ati, "Awe." ⁶ Asosele kulibo ati, "poseni isumbu lyenu kukulyo kwa bwange, kabili mwalasangapo limo." Eico baishile kuposa kabili balifililwe no kukulila mukati pa mulandu wa fimasabi fikulu fyali ifingi ⁷ Elyo umusambi Yenu atemenwe asosele kuli Petero ati, "Ni shikulu." Elyo Simoni Petero aisa kumfwa ukuti ali ni shikulu, aishile kukakla icakumfwala cakwe ica kunse (pantu alisamwinine), kabili aiposa na pali bemba. ⁸ Abafundwa bambi bakoisa mu bwange (pantu tabali apatali ukufuma ku mulundu, palifye nge ntampulo imyanda ibili), kabili kukulane sumba umwiswilefye isabi. ⁹ Elyo bakofikafye ku mulundu baisa kupatuka, baisa kumona palya umulilo wa malasha ne sabi likopya mulilo, no mukate filya. ¹⁰ Yesu asosele kulibo ati, "Letenipo isabi limo palyo mwacikata." ¹¹ Elyo Simoni Petero aishile kuya no kuya kukulila isumbu ku mulundu, liswile ifisabi ifikulu fyeka fyeka, umwanda umo na makumi yasano na litatu, nangu lyafulile ifi, isumu lyena talyasapuike. ¹² Yesu asosele kulibo ati, "Iseni kabili mwikule." Tapali no umo uwa pamine ukumwipusha ati, "Niwe ani?" Ico balishibe ukuti ni Shikulu. ¹³ Yesu alishile, no mukate, kabili apele umukate kulibo, ne sabi nalyo alibapele. ¹⁴ Uyu ewali umuku wa citatu untu Yesu aisokolwele umwine kubasambi panuma lintu aishile ukufuma ku bafwa. ¹⁵ Panuma ya kulya umwikulo, Yesu asosele kuli Simoni Petero ati, "Simoni mwana Yona Bushe walintemwa ukucilia ifi fintu?" Petero asosele kuli o ati, "Ee Shikulu, walishiba ukuti nalikutemwa." Yesu asosele kuli o ati, "Akulisha impanga shandi." ¹⁶ Alisosele na kabili umuku wabili kuli o ati, "Simoni mwana Yona, bushe walintemwa?" Petero asosele kuli o ati, "Ee Shikulu, walishiba ukuti nalikutemwa." Yesu asosele ati, "Akucema impanga shsndi." ¹⁷ Alisosele kuli o umuku wabutatu ati, "Simoni mwana Yona bushe walintemwa?" Petero aishile kuba uwasakamana ico Yesu aishile kusosan kuli o umuku wabutatu, "Bushe walintemwa?" Alisosele kuli o ati, Shikulu, walishiba ifintu fyonse, walishiba no kuti nebo nalikutemwa." Yesu asosele kuli o ati, "akulisha impanga shandi." ¹⁸ Icine, cine, nkososa kuli we ati, elyo wali umulumendo, wali kuifwika we mwine kaili nokwenda konse uko walikufwaya, nomba elyo wakota, ukafungulula amaboko yobe, kaili umbifye eukakufwika kabili akakusenda no kukutwala uko we mwine taukofwaya." ¹⁹ Nomba Yesu asosele ici umutande wa cilangilile umusango wa mfwa Petero akafwilamo uwakucindikilamo Lesa. Panuma asosele ifi, aishile kusosa kuli Petero ati, "Nkonka" ²⁰ Petero aishile kupilibuka kabili amwene umusambi untu Yesu atemenwe akobakonka, ulya wine ashitilile kuli Yesu pa cakulya ca mulalilo kabili uwasosele ati, "Shikulu, niani bushe ukokuposa?" ²¹ Petero alimumwene kabili elyo asosele kuli Yesu ati, "Shikulu, bushe cinshi uyu mwaume akacita?" ²² Yesu asosele kuli o ati, "Nga kuti na fwaya ukuti aba umumi mpaka nkabwele, bushe ninshi caba shani kuli we? Nkonkafye." ²³ Eico ili lyashi lyasalangene pakati kaba ndumebo, ukuti umususambi takafwe. Nomba Yesu tasosele kuli Petero ukuti umusambi umbi talina kumfwa, lelo atile ati, "Nga kuti na fwaya ukuti aba umumi mpaka nkabwele, bushe ninshi caba shani kuli we?" ²⁴ Uyu e musambi uupela bunte pali ifi fintu, kabili ewali kulemba ifi fintu, kabili twalishiba no kuti bunte ubu bwa cishika. ²⁵ Kwali nafimbi ifingi ifyo Yesu alikucita. Nga cakuti icili conse cali lembelwe, nkoelenganya ukuti ne calo cine tekuti cimone apakubika ifitabo fyali no kulembwa.