¹ Ilyo umwina Kenani imfumu yabena Aradi, uwaikele mu Negavi, waumfwile ukuti Isreali walikupita munshila ukuya ku Atharimu, walwile na Isreali kabili walisendelepo nabamo nga basha. ² Isreali walapile kuli Yaweh kabili walandile, "Nga watupela ukucimfya pali aba bantu elyo tukonaula imishi shabo shabo umupwilapo.'' ³ Yaweh waumfwile kwishiwi yakwa Isreali kabili wabapele ukucimfya pabena Kenani. Bali bonawile umupwilapo kabili nemishi shabo. ilya ncende bali itile Horma. ⁴ Baendele ukufuma kulupili lwa Hore no musebo waya kuli bemba wama Tete kukuya kushinguluka icalo icaalo ca Edomu. Abantu bali nenukile munshila. ⁵ Abantu balisosele imiponto kuli Lesa na Mose; ''nindo watufumishishe mu Egypito kukufwa mumatololo? Tamuli mukate, tamuli menshi kabili twalilole ifyakulya ifi ifitawama.'' ⁶ Elyo Yaweh watumine insoka shabusungu pakati kabantu. Insoka shalisumine abantu abengi; abantu abengi balifwile. ⁷ Abantu balishile kuli Mose kabiloi balandile, ''Tuli bembukile pantu tuli sosele imiponto kuli Yaweh nakuli we. Pepa kuli Yaweh pakuti wene asende insoka ukufuamya kuli fwe.'' Eco Mose walipepele abantu. ⁸ Yaweh walandile kuli Mose, ''Pange insoka kabili uikatishe kwi lamfya. Cikacitika ukuti onse uusuminwe akopusuka, nga waloleshako. ⁹ Eco Mose wapangile insoka ya mukuba kabili wali ikatishe kwi lamfya. Ilyo insoka yasuma umuntu, nga waliloleshe pa nsoka ya mukuba, walipusukile. ¹⁰ Elyo abantu bakwa Isreali balikonkenyepo kabili bacitile inkambi mu Obeti. ¹¹ Balyendele ukufuma mu Obeti kabili bacitile inkambi mu iye Abarimu mu matololo ayaloshanya na Moabu ukulola kukabanga. ¹² Ukufuma palya balikonkenyepo kabili bacitile inkambi muciwebebe ca Zered. ¹³ Ukufuma palya balikonkenyepo kabili baciltile inkambi kulubali lubiye ulwa mu mana wa Acnone, uyo uwabela mumatololo uyo uwatampila pamupaka wabena Amole.Umumana wa Anome ewapanga umupaka wa Moabu, pakati ka Moabu na bena Amore. ¹⁴ Eco cilandilwa mwibuku lyabulwi lyakwa yaweh, ... BaHebu musufa, kabili ne fiswebebe fya mu Amore, ¹⁵ umutentemuko wa fiswebebe ifyo ifyalola mu mu sumba wa Ari kabili washintilila pa mupaka wa moabu. ¹⁶ ukufuma kulya balile ku Beeri, icishima ico Yaweh walandile kuli Mose, ''Nkolonganikilako abantu ku kubapela amenshi. ¹⁷ Elyo Isreali waimbile ulu ulwimbo: ''fukauka, we cishima! Imbeni pali co, ¹⁸ pacishima ico intungulushi shesu shaimbile, icishima amano yabantu yaimbile, ku mulumbio kabili na ku mitundu shabo.'' Elyo ukufuma mumatololo balile ku Matana. ¹⁹ Ukufuma ku Matan baile ku Nahalele kabili ukufuma ku Nahahele baile ku Banote, ²⁰ kabili ukufuma ku Bamote ukuya muciswebebe mu calo ca Moabu. Eko pamulu walupili lwa Pisga ba loleseshe mumatololo. ²¹ Elyo abena Isreali batumine inkombe kuli Sihone imfumu yabena Amore balandile, ²² ''Lekeni tupiteko mu calo cobe. Tatwakapilibukile mufilimwa nangu mu myangashi. Tatwakanwe menshi ukufuma mufishima fyobe. Tukpita munshila ya mfumu mpakafye tupapite umupaka obe.'' ²³ Lelo imfumu Sihone tayasuminishe Isreali ukupita mu mupaka wabo. Lelo, Sihone wakolonganikile fyonse ifita fyakwe pamo kabili balisanshile Isreali mumatololo. walishile kuli Yahasi, epo walwile na Isreali. ²⁴ Isreali wasanshile ifita fyakwa Sihone ku kanwa kalupanga kabili balisendele ne calo cabo ukufuma ku Amone ukuya ku mumana wa Yaboke,ubutali nge calo cabantu ba mu Amone walikulililwe. ²⁵ Isreali wasendele imisumba yonse iya mu Amore kabili balikele muli fyonse, ukubikilako Heshebone kabili na yonse imishi ya iko. ²⁶ Heashebone wali musumba wa Sihone imfumu ya bena Amore uyo uwalwile ne mfumu yakale iya mu Moabu. Sihone walisendele icalo cakwe conse ukufuma mu musumba wakwe ukuya ku mumana wa Arnone. ²⁷ Eco abo balandilemumapinda, ''Iseni ku Heshebone. Lekeni umusumba wa Sihone ukulwe kabili ukafuntuke nakabili. ²⁸ Umulilo wali bilimukile ukufuma ku Heshebone, icimbili mbili ukufuma mu musumba wa Sihone uyo uwa onawile Ari wa mu Moabu, kabili nabene bancende ishapamulu isha mu Amone. ²⁹ Ubulanda kuli we, Moabu! mulyonaikile mwe bantu bamu Kemoshe. alilengele abana bakwe baume ukuba intungulushi kabili abana bakwe banakashi ukuba abafungwa bakwa Sihone imfimu ya bena Amore. ³⁰ Lelo tuli lwishishe Sihone. Heshebone alifulilwe inshila yonse ukufika naku Nofa, iyafika ku Medeba.'' ³¹ Eco Isreali walyambile ukwikala mu calo cabena Amore. ³² Elyo Mose watumine abantu ku kulolesha pali Yosele. Balisendele imishi shauko kabili balitamfishe ebena Amore abali kulya. ³³ ELyo balipilibukile kabili munshila ya Bashami. Oge imfumu ya bena Bashami yaile kuli bo, kabili ne fita fyakwe fyonse, kukulwa nabo pa Edrei. ³⁴ Elyo Yaweh walandile kuli Mose, ''Wimutina, pantu ndikupela ukucimfya pali wo, ifita fyakwe fyons, kabili ne calo cakwe. ucite kuli wo ifyo wacitile kuli Sihone imfumu yabena Amore, Uwaikele pa Heshebone. '' ³⁵ Eco balimwipeye, aabana bakwe baume, kabili nangu umo pa bantu bakwe uwashele umumi. Elyo balisendele icalo cakwe.