¹ Eluntu fyonse ifita fyabashilika elo na Yoanani umwana mwaume wakwa Karea, Yesania umwana mwaume wakwa Hoshaiya, elo na bonse abantu ukufuma pa mwaice ukwisakufika pa mukulu baishilekukumanya kasesema. ² Baishilekulanda kuli yee ati, '' Leka ukupapata kwesu kumfwikeku cinso cobe. Utupepeleko fwebo kuli Yaweh Lesa obe pali ababantu bashele pantu fwebo tuli abanono mu mpendwa, ngefyo nobe wabona. ³ Lomba Yaweh Lesa obe ukutwebako inshile iyo fwe tufwile ukukonka elo nefyo tufwile ukucita.'' ⁴ Eico Yeremia kasesema aishilekulanda kuli boo ati, ''nimwimfwa mwebo. Boneni, nkesakumipepelako kuli Yaweh Lesa wenu ngefyo mwalomba. Fyonse ifyo Yaweh akesakwasuka, nkesakumyeba mwebo. Nshakesekufisapo nangu cimo kuli mwebo.'' ⁵ Baishilekulanda kuli Yeremia ati, Leka Yaweh abe kambone wacine pali fwebo, nga cakuti fwebo tatucitile fyonse ifyo Yaweh Lesa obe akalatweba ukucita. ⁶ Cibe cabune nangu cabubi, tukomfwila fwebo kwishiwi lyakwa Yaweh Lesa wesu, uko fwebo tulekutuma, pakuti cikesekuba bwino kuli fwebo uluntu twaumfwila ishiwi lyakwa Yaweh Lesa wesu.'' ⁷ Pampela yanshiku ikumi limo,icebo cakwa Yaweh caishilekwisa kuli Yeremia. ⁸ Eico Yeremia aishilekukuta Yoanani umwana mwaume wakwa Karea elo na ifita fyaba shilika pamo nankwe, elo na bantu bonse ukutampila ku munono nokwisakufika ku mukalamba. ⁹ Eluntu aishilekulanda kuli boo ati, ''Ifi efyo Yaweh, Lesa wakwa Isreali _uyo mwantumineko nebo pakuti ntwale ukulilishika kwenu pa cinso cakwe_ alanda ati, ¹⁰ 'Nga mwa bwekelamo nokuyakwikala muli ici calo, eluntu nkesakumikula elo nshakamibongolole panshi; Nkesakumilimba elo nshakesekuminukula, pantu nkesakupilibula amasanso ayo naleta pali mwebo. ¹¹ Mwitina imfumu yamu Babyloni, uyo muletina. Mwimutina ena_uku ekukonkomesha kwakwa Yaweh_ apo nebo ndipamo na mwebo kukumibombela elo nukumipususha kukuboko kwakwe. ¹² Pantu nkesakumipa uluse,. Nkesakumipa icikuku, elo nkesakumibwesesha ku calo cenu. ¹³ Lelo nga cakuti mwalanda ati, ''Fwebo tatwaikalemuli cino icalo''_ngacakwebati tamufwile kwi shiwi lyandi, ishiwi lyakwa Yaweh Lesa obe. ¹⁴ Ngacakuti mwebo mwalanda ati,'' Awe! Fwebo twalaya ku calo ca Egypiti, uko tatwakabone inkondo nangu imo, uko fwebo tatwakomfwe iciunda nangu cimo icepenga, elo tatwkesekumfwapo insala ya fyakulya. Tukayakwikala kulya kwine,'' ¹⁵ Nomba umfweni kuli ilishiwi lyakwa Yaweh ililelanda ati, mwebo mwebakushila bamu Yuda.Yaweh wamilalo, Lesa wakwa Isreali, alanda ifi, 'ngacakuti mwebo namuipekanya ukuya ku Egypti, ukuyakwikala kulya, ¹⁶ eluntu ulupanga lulya mwebo mutina lukesa kuwa pali mwebo kulya ku calo ca Egypti. Icipowe ico mulesakamanapo cikesakumiponena mu Egypti, el;o mukayakufwila mulya mwine. ¹⁷ Eico cikesakutitika ati bonse abaume abaima nokuya ku Egypti ukuyakwikala kulya bakayakufwila kulupanga, icipowe elo na icikukuko. Takwakabe uwakuyakubapususha, Takuli nangu umo uukesa kupusuka kububi ubo nebo nkesakuleta pali boo. ¹⁸ Pantu Yaweh wamilalo, Lesa wakwa Israeli, alandile ifi: Ngafilyafine ubukali bwandi elo na icipyu candi caishilekuponena pa bekashi bamu Yerusalemu, munshila imo ine icipyu candi cikesakuponena pali mwebo nga mwaya ku Egypti. Mukesakuba icacitipu elo na icakutinisha, elo na acakulandilapo ifitipu, elo na fimo ifya muselu, elo tamwakesekubonapo icicifulo nakabili.'' ¹⁹ Eluntu Yeremia aishilekulanda ati,'' Yaweh alanda ukulosha kuli mwebo_ mwebashila ba mu Yuda. Mwiyako ku Egypti! Mwebo namushinkisha ati nebo nimba kambone pakati kenu mwebo lelo. ²⁰ Pntu mwebo mwaliibepaikile mwebene mweka uluntu mwaishilekuntuma kuli Yaweh Lesa wenu elo nokwisakulanda ati, ' Tupepeleko kuli Yaweh Lesa wesu, elo na fyonse ifyo Yaweh Lesa wesu , alalanda kuli fwebo, elo tukesakucicita.' ²¹ Pantu nebo nimfisha kuli mwebo lelo, lelo mwebo tamumfwilile ishiwi lyakwa Yaweh Lesa wenu nangu kuli fyonse ifyo antumine kuli mwebo. ²² Eico nomba, mufwile mwashininkisha ati mukesakufwila kulupanga, icipowe, elo necikuko muncende umo mukabila ukuyakwikala.''