¹ Lelo caishilekutitika ati mu mwenshi wakulenga cine lubali Ishmaele umwana mwaume wakwa Netania umwana mwaume wakwa Elishama, ukufuma kulupwa lwakubufumu, elo nabamo bakapaso ba mfumu, baishilekwisa_ abaume ikumi limo bali nayee _ kuli Gedalia umwana mwaume wakwa Aikimu, pa Misipi. Baishilekulila ifilyo pamo kulya ku Misipa. ² Lelo Ishmaele umwana mwaume wakwa Netania, elo na baume ikumi limo abali nayee, baishilekwima elo nokuyakusansa Gedalia umwana mwaume wakwa Shafani no lupanga. Ishmaele aishilekwipaya Gedalia uyo imfumu yamu Babiloni yabikile ukusopa icalo. ³ Eluntu Ishmaele aishilekwipaya bonse abena Yudeya abali na Gedalia mu Misipi elo nabena Chaldi ukuyakulwa na baume bailekusangako kulya. ⁴ Eluntu kwaishilekuba ubushiku bwakulenga bubili panuma yakwipaya Gedalia, lelo takwali nangu umo uwaishibile. ⁵ Bamo abaume baishilekufuma ku Shekemu, ukufuma ku Shilo, elo naku Samariya_ abaume cine konse konse ababeyele umwefu wabo, ukulepula ifyakufwala fyabo elo na ukuicekaula abene_ nefilyo fyakutula elo na libani mu maboko yabo pakuya ku ngánda yakwa Yaweh. ⁶ Eluntu Ishmaele umwana mwaume wakwa Netania aishile kufuma mu Misipa nokwisakuya kukubakumanya ulo baleya, baleenda elo nokulilishika. Eluntu caishilekucitika ati ulo aishilekubakumanya, aishilekulanda kuli boo ati, ''Iseni kuli Gedalia umwana mwaume wakwa Aikamu!'' ⁷ Caishilekucitika ukuti uluntu baishilekwingila mumusumba, Ishmaele umwana mwaume wakwa Netania aishilekubasakula elo nokuyakubaposa mu cilindi, ena elo nabaume abali nankwe. ⁸ Lelo kwali abaume ikumi limo abaishilekulanda kuli Ishmaele ati, ''Witwipaya fwebo, pantu kuli ifilimwa fyesu mumabala: Ingano elo na masaka, amafuta elo na ubuci.'' Eico taishilekubepaya pamo naba wabo. ⁹ Icilindi ico Ishmaele aposelemo imibili yabafwa abo aipeye, cali cilindi ico imfumu Asa yaimbile kukuicingililako kumfumu Baasha iyamu Isreali. Ishmaele umwana mwaume wakwa Netania aishilekucisushamo nabafwa. ¹⁰ Icaishilekukonkapo Ishmaele aishilekwikata bonse abantu abashelepo mu Misipa, umwana mwanakashi wa mfumu elo na bonse abaishikekushala mu Misipa abo Nebusaradani umukulu waba malonda apele kuli Gedalia umwana mwaume wakwa Aikamu. Eico Ishmaele umwana mwaume wakwa Netania aishilekubekata bunkole nokwisakuya kutolokela ku bantu bakwa Ammoni. ¹¹ Lelo Yoanani umwana mwaume wakwa Karea elo na fyonse ifita fyabashilika abali nankwe baishilekumfwa bonse ubonaushi bwacitile Ishmaele umwana mwaume wakwa Netania. ¹² Eico baishilekupita bonse abaume elo nokwisakuya kukulwa na Ishmaele umwana mwaume wakwa Netania. Bailekumusanga kumumana wa Gibeoni. ¹³ Elunntu caishilekubati uluntu bonse abantu abali na Ishmaele baishilekubona Yoanani umwana mwaume wakwa Karea elo nafyonse ifita fyaba shilika ifyali nankwe, balitemenwe saana. ¹⁴ Eico bonse abantu abo Ishmaele apitile mulibunkole pa Misipa baishilekwaluka nokwisakuya kuli Yoanani umwana mwaume wakwa Karea. ¹⁵ Lelo Ishmaele umwana mwaume wakwa Netania aishilekufulumuka pamo nabaume cine konse konse ukwisakufuma kuli Yoanani. Aishilekuya ku bantu bamu Ammoni. ¹⁶ Yoanani umwana mwaume wakwa Karea elo nafyonse ifita fyaba shilika ifyo apitile pa Misipa bonse abantu abapushiwe ukufuma kuli Ishmaele umwana mwaume wakwa Netania. Ifi fyaishilekuba panuma Ishmaele aipeye Gedalia umwana mwaume wakwa Aikimu. Yoanani elo nabawabo baishilekupita abaume bakukosa, abaume babulwi, banamayo elo nabana, elo nabambi abo bapuswishe pa Gibeoni. ¹⁷ Eluntu baishilekwima nokuyakwikalako panono mu Geruti Kimamu, eyapalamine mu Betelemu. Balimukuya ku Egypti ¹⁸ pa mulandu wabena Chaldi. balikwete umwenso kuli boo ukutulafye apo Ishmaele umwana mwaume wakwa Netania aishilekwipaila Gedalia umwana mwaume wakwa Aikamu, uyo imfumu yamu Babiloni abikile umukulu wa calo.