¹ ''Nga cakutila umwaume akana umukashi wakwe naye afuma kuli ena elo no kusanguka umukashi wa mwaume umbi, bushe kuti abwekela kuli ye na kabili? Bushe icalo ninshi tacikowelele nganshi? Pantu uwaikala nga cilende uwakwata abatemwikwa abengi; bushe kuti wabekela kuli nebo?-ifi efyalanda Yahweh. ² Inuna amenso yobe ku pasansama no kubona! Bushe pali incende uko utacitile ubulalelale? Mumbali yanshila walikwikalali ukopembela abatemwikwa bobe, ngo Aramu mu matololo. Uli koweseshe icalo kuli bucilende bobe no bulungani bobe. ³ Eico ne mfula taikolokela neya pakulekelesha yine tayaisa; lelo webo wakwata impumi yaku cilende; tawakwata ne ⁴ nsoni.Tepapa taunkutile ati: 'Tata! Niwe cibusa wa mu bwaice bwandi! ⁵ Bushe kuti waba ukulakalipa lyonse fye? Bushe ukekalilila no bukali ukufika na kumpela?' Bona! Ifi efyo walandile, lelo ukocita ububi bonse apo ukofwaila!'' ⁶ Eluntu Yahweh aishile kulanda kuli nebo munshiku shakwa Yosia imfumu ati, ''Bushe uli bwene ifyo na ninika impili shonse ishitali na mu fimuti fya mabula fyonse na muli fyo alecita kubati ni cilende. ⁷ Naishile kulanda ati, 'Panuma wacita ifi fintu fyonse, wakubwelela kuli nebo,' lelo tabwelulukile. Na nkashi iyinankwe uwakubula icisumino Yuda ali bwene ifi fintu. ⁸ Eico naishile ku bona ukuti, cimo cinefye ifyo Israeli abula icitetekelo acitile ubucende elo na mutamfishe kabili nali mupele ne nkalata yakumukaninapo, nkashi inankwe Yuda tatinine iyo; naye alifumine no kuya kucita nga clende. ⁹ Bu cilende bwakwe tabwali kantu kuli ye; akoweseshe icalo no kucita ubucende ku mabwe ne fimuti. ¹⁰ Panuma ya fyonse ifi, na nkanshi inankwe wakubula icicetetekelo Yuda wabwelulukile kuli nebo, lelo tacali caku mutima, lelo no bufi-uku ekulanda kwakwa Yahweh.'' ¹¹ Eluntu Yahweh aishile kulanda kuli nebo ati, ''Israeli wakubula icitetekelo wabapo umololoke ukucila Yuda uutatetekela! ¹² Kabuye uye kubila aya mashiwi ku kabanga. Ukuti, 'Bweluluka, Israeli watalama!-uku ekulanda kwakwa Yahweh-ntakabe no bukali pali webo lyonse fye. Apo ndi wacine-ekulanda kwakwa Yahweh-kabili ntakakalipe umuyayaya. ¹³ Wishibe amampulu yobe, pantu webo ulyalukile Yahweh Lesa obe; ulisambilisheko na beni pe samba lyonse ilyebula lya citi! Pantu taumfwilile kwi shiwi lyandi!-uku ekulanda kwakwa Yahweh. ¹⁴ Bwelulukeni mwe bantu bakutalama!-uku ekulanda kwakwa Yahweh-ndi mulume wenu! Nkesa ku mipita ukufuma mu lupwa, kabili nkesa kumileta ku Sioni! ¹⁵ Nkesa kumipela ba kacema abakwishiba ifi fwaya umutima wandi, nabo bakesa kumicema na mano no muctekanya. ¹⁶ Eluntu cikesa kucitika mukufula no kusandana mu calo mu nshiku shilya-uku ekulanda kwakwa Yahweh-tabakatale ukulanda na kabili ati, ''Icipao ca cipingano cakwa Yahweh!'' Noyu mulandu tawakatale ku kunta ku mitima yabo nangula ukwi bukisha; tacakafulukwe iyoo, elo na cibi tacakapangilwepo.' ¹⁷ Na muli ilya nshita bakashimika ulwa pali Yerusalemu ati, 'Ici ecipuna cakwa Yahweh,' elo ne mishobo imbi yonse ikakolongana pa Yerusalemu mwi shina lyakwa Yahweh. Taba kaleyendela muli bu cintala bwa mitima yabo ya bubi. ¹⁸ Muli isho nshiku, aba ng'anda yakwa Yuda ne yakwa Israeli bakendela pamo. Bakeshila pamo ukufuma ku calo caku kabanga ukuya ku calo ico napele ba shinwe nge cikwatwa cabo. ¹⁹ Elo pali nebo, naishile kulanda ati, 'Ifyo nali kufwaisha uku kusunga ngo mwana mwaume wandi fye no ku kulasa icalo ca bune, icikwatwa icakuyemba icakucila pafikwatwa fyaba mu nko shimbi!'' Nga nali lilandile ati, ''Uka kuta ''tata wandi''.' Nga nalilandile ati twamwakaluke mu kunkonka. ²⁰ Ngafilya umwanakashi uwakubula icine ku mulume wakwe, wali mfutuka, we ng'anda yakwa Israeli-uku ekulanda kwakwa Yahweh.'' ²¹ Ishiwi lyumfwikile pa milandu apa kusansama, ukulila no kupapata kwa bana ba Israeli! Pantu na balusha imibele yabo; no kulaba kuli Yahweh Lesa wabo. ²² ''Bweleni, mwe bantu bakubula cisumino!'' ''Boneni! Tukesa kuli mwebo, pantu muli Yahweh Lesa wesu! ²³ Mu cinefye mutupilil emutula ubufi, ne congo cakufulunganya naco cituka mu mpili; mucinefye Yahweh Lesa wesu epukusukilo lya bena Israeli. ²⁴ Lelo utumilungu twa nsoni twapwisha ifyo ba shifwe ba bombele-imikuni na maombe yabo, abana baume na bana banakashi! ²⁵ Natulale panshi mu nsoni. Ne nsoni shesu shitufimbe, pantu na tubembukila Yahweh Lesa wesu! Fwebo fye fwebenefweka na ba shifwe, ukutula fye mu bwaice mwa misepela yesu ukushinta no bwa lelo, ntapepekako kwi shiwi lyakwa Yahweh Lesa wesu!''