¹ Icebo cakwa Yahweh caishile kwisa kuli nebo, ati, ² ''Kabiye elo nokubila mu matwi ya bena Yerusalemu, ati, 'Yahweh alanda ati: Nkoibusha pali webo ubupete bwa bwaice bobe, icitemwiko cobe pakashita twali muli bunkobekela, uluntu wankonkele mu matololo, icalo ica ku tatandwamo. ³ Na Israeli ali wakwa Yahweh, nge fisabo fya ntanshi ifya busomboshi bwakwe! Nabo bonse abali kulyako ifisabo fya ntanshi bali kupelwa imilandu, no busanso bwali kubeshila-ekulanda kwakwa Yahweh.''' ⁴ Kutika kwi shiwi lyakwa Yahweh, we ng'anda yakwa Yakobo, na mwebo bonse mwe kowa ya ng'anda yakwa Israeli. ⁵ Yahweh alanda ifi, ''Bushe bubi ndo bashinwe basangile kuli nebo, ubwalenga ukuntaluka no kutankonka? Pantu bakonkele utumilungu twa cabe cabe na bene basangukile aba cabe cabe? ⁶ Kabili tabalandile ati, 'Yahweh ali kwisa, uwatufumishe mu calo ca Egypto elo nokutuninika? Alikwisa Yahweh, uwatutungulwile mu matololo, mu calo ca fiswebebe ne miyenge, mu calo cakuma ndi kabili ica mfinshi yakufita fititi, icalo ici tapitamo nangu umo elo takwaba no wakikalamo?' ⁷ Lelo nalimiletele ku calo c kufunda, mukulyako ifisabo fyaciko ne fys bune na fimbi fye! Lelo uluntu mwaishile kwisa, mwa oneshe icalo candi, no kusangusha ica cishilano candi ukuba icabunani. ⁸ Na bashimapepo tabaipwishe ati, ''Yahweh alikwisa na ba kalaulula wa mafunde taba nyangilweko! Na bakacema bali njalukile. Ba kasesema na ba baseseme Baali no kukonka ifya kutakwata ifintu fyakusekelamo. ⁹ Eico nalolwinefye-ekulandikisha kwakwa Yahweh-elo nkesa kutununuka na bana baume ba bana baume bobe. ¹⁰ Tapukileni ku fishi fya bena Kitimu mu loleshe. Tumeni ne nkombe kulya ku Keda no kuya kufwailikisha pakuti mu bone nga kwaliba ukubapo ifili fyonse ifykuba nge ifi. ¹¹ Bushe kwalibapo icalo icikabula tu lesa, nangu tushaba tu lesa? Lelo abantu bandi bakabula ubukutami bwabo paci tengabafwa. ¹² Sungukeni, mw myulu, pali ici cintu! Papukeni nganshi kabili tineni nganshi-ifi efya landa Yahweh. ¹³ Pantu abantu bandi balicitile ububi bubili kuli nebo: Bena bali sulile amenshi yakamfukumfuku ka menshi ya bumi, elo bayimbila ne fishima abene, ifishima fyakutulaika ifitangasunga amenshi. ¹⁴ Bushe Israeli musha? Bushe afyalilwe mu ng'anda yakwa wishikulu wakwe? Eico nindo asangilwa icitapwa? ¹⁵ Imisepela ya nkalamo ya mu bulumina. Shapanga ne congo icukulu sana no kusangusha incende yakwe amatololo. Ne misumba yaiko yilibongolwele umwakukulamo nefya kwikalamo. ¹⁶ Kabili, na bena Mefi na bena Tapanesi baka kubeya kulukobo. ¹⁷ Bushe tawaicitile ici we mwine uluntu mwa mushilile Yahweh Lesa obe, ulo ali kukutungulwila mu nshila? ¹⁸ Eico nomba, nindo watolela ubulendo ukuya ku Egypto mukunwa amenshi yamu Sione? Nindo waila ku Ashuri mu kunwa amenshi yamu mumana wa Efrate? ¹⁹ Ububi bobe bukakulimuna no kufutatuka kobe ku kakunda. Eico tontonkaya pali ifi no kutesha ukuti ca bubi elo cilakalifya uluntu wasuula Yahweh Lesa obe, elo taunkwatile akatina-ifi efyalanda Shikulu Yahweh umwine wa milalo. ²⁰ Pantu natobawile ikoli lyenu ilyo mwakwete mu nshiku shakale; nalepawile ififungo fya mikakile. Nalo lwine mwalilandile, 'Ntakaletumika!' Apo mwali lele ubunkupeme pa kapili konse akakulepa na munshi ya mabula yonse ya citi, mwalikucita ubulalelale. ²¹ Nakulimbile ngo mwanganshi wakusoboloka, ulubuto lusuma. Nindo kanshi webo we mwine wasangukila mu mwangashi umbi umbi? ²² Pantu nangu uisambe mu mumana nangu usambe na sopo ya maka, ububifi bobe litoni mu menso yandi-ifi efyalanda Shikulu Yahweh. ²³ Kuti walanda shani ati, 'Ntakowela! Ntaendele mukufwaya ba Baali? Bona ifyo wacitile mulya mumikonko! Tontonkanya ifyo wacita-uli ngamali yanakashi yakusopoka iyi kobutukana uku no ku, ²⁴ uli mpunda iyaba mu mpanga iyaishibila amatololo, munshita ya kubindula kwaiko ikula kula fye umwela! Ni nani engaikanya ulunkumbwa lwaiko takuli ishaume ishi cula pakumusanga; panshita ya kukumana bakomusanga. ²⁵ Ufwile ukufumyako ulukasa lobe lwiba ulwa busokwa no mukoshi obe cilaka! Lelo wali landa ati, 'Fya cabe cabefye! Ndikene, pantu nalitemwa abeni elo nali kubakonka!' ²⁶ Ngo mwabela insoni shakwa sakala uwa ikatwa, efyo ne ng'anda ya bena Israeli yikekatwa insoni-bena, imfumu shabo, ba cilolo babo, bashimapepo babo na baksesema babo! ²⁷ Aba ebamo abo abalanda ku cimuti ati, 'Ni webo tata,' na kwi libwe abati, 'Ni webo wamfyele.' Pantu bandosha inuma no kumfutatila ifinso fyabo. Nangu line munshita ya mafya balanda ati, 'Imeni, tupususheni!' ²⁸ Lelo, tu lesa mwaipangile tuli kwisa? Lekeni twimine ngatukofwaya ukumipususha munshita ya mafya yenu, pantu utulubi twenu natulingana nw misumba mu mpendwa, webo Yuda! ²⁹ Eico nindo mwa ntunukile ku kucita ifya bubi? Bonsefye mwebo muli nsangukile-ifi efyalanda Yahweh. ³⁰ Naicushishefye ukupuma abana benu. Tabakasumine ukusalapulwa. Ulupanga lwenu lwaonesha ba kasesema benu kubati ni nkalamo ya bonaushi! ³¹ Mwebo mweba ino nkulo! Pepekeni ku cebo candi, icebo cakwa Yahweh! Bushe nebo naliba amatololo kuli Israeli! nangula icalo ca mfimfi yakufita fititi? Bushe nindo abantu bandi balandila ati, 'Leka tulekwendaukafye, ta twakese kuli webo na kabili? ³² Bushe umukashana alalaba ku fisuma fyakwe, na bwinga bushe kuti alaba kufya kuikaka ifya ku bwina bwinga? Nomba abantu bandi bali ndabile munshiku fye ishakutapendwa! ³³ Ala ifyo wawamya imyendele yobe pa kufwaya icitemwiko. Wasambilisha na banakashi ba bubi imbela shobe. ³⁴ No mulopa uyo uwali e bumi bwaba kayele, abantu abalanda bene bene wasangwa mu fifwalo fyobe. Aba bantu tabasangilwe mu milimo yakutula ama yandanda. ³⁵ Nomba mweba ati, 'Ndi wakaele; mu cine cinefye ubukali bwakwe bulifumine pali nebo.' Lelo bona! Nkesa kuleta ubupingushi pali webo pantu webat ati, 'Ndiwakaele.' ³⁶ Bushe nindo wangushisha ukwalula ishi mbela shobe? Ala na bena Egypto bakamyansha insoni nga filya abena Assyria ba myanshishe. ³⁷ Mukandulukapofye ne minwe yobe pa mutwe ninshi bali kusulile, pantu Yahweh ninshi ali bakene abo bamo abo wa cetekelamo, ecio webo tabakafwe bena.