¹ ''Akalanda kuli bakacema abonaula no kupasa impaanga sha mukuni wandi_ uku ekulanda kwakwa Yaweh.'' ² Eico Yaweh, Lesa wakwa Israeli, alanda kubacemi abacema abantu bakwe ati, ''Mwalipasa impanga shandi nokushitamfya. Tamwashisakamana shena. Eico ndi nokumikanda pa bubi ubo mwacita_ uku ekulanda kwakwa Yaweh. ³ Nebo nemwine nkesakulonganika impaanga shandi ishashalapo ukufuma mu fyalo umo nashitamfishe, elo nkashibwekesha ku mulemfwe umo shikesakusanda elo nokwisakufula. ⁴ Eluntu nkesakwimya bakacema pali shena abakalashicema eico tashakabe no mwenso nangu ukutentuka. Tashakabulilepo_ uku ekulanda kwakwa Yaweh. ⁵ Bona, inshiku shileisa_ uku ekulanda kwakwa Yaweh_uluntu nkesakwimisha Dabidi umusambo uwakulungama. Ena akesakuteka ngemfumu; akesakuba na mano nokulenga ubupingushi no bulungami mu calo. ⁶ Munshiku shakwe Yuda akapusuka, elo na Israeli akesakwikala mumutelelwe. Eluntu akesakukutwa pali ili ishina: Yaweh ebulungami bwesu. ⁷ Eico bona, inshiku shileisa_ uku ekulanda kwakwa Yaweh_ uluntu bashakalande ati, 'Napali Yaweh uwamweo, uwaishilekubwesha abana ba Israeli ukufuma ku Egypti.' ⁸ Icakutila bakalanda ati,'Napali Yaweh uwamweo, uwafumishe nokubwesha ulupwa lwaba ng'anda yakwa Israeli ukufuma ku calo ca kukapinda kakukuso nefaylo fyonse umo nabatamfishe.' Eluntu bakesakwikala mu calo cakwe.'' ⁹ Pali bakasesema, umutima wandi ulitobeke muli nebo, namafupa yandi yonse yasokoka. Naba ngomuntu wakukolwa, ngo muntu uo umwangashi ufulishemo, pamulandu wakwa Yaweh na amashiwi yakwe ayakukulisha. ¹⁰ Pantu icalo ciswilemo bacilende . Pamulanduwabo aba icalo nacuma. Imilemfwe shamumatololo nashuma . Ishimibele shaba kasesema shabufi; amaka yabo tayalebomba mumano yakulungama. ¹¹ ''Pantu bakasesema naba shimapepo balikoweshiwe. Nebo nalisangile no bubifi bwabo mu ng'anda yandi!_ uku ekulanda kwakwa Yaweh_ ¹² eico imibele yabo ikesakuba kwati nincende shakutelela mu mfimfi. Bena bakesakusunkilwamo panshi. Bakesakuponenamo. Pantu nebo nkesakutuma icinkunka palibo mumwaka wabo owakupanikwa kwabo_ uku ekulanda kwakwa Yaweh. ¹³ Pantu ndibwene ba kasesema bamu Samaria bakocita ifyamuselu. Balesesema muli Baali elo nokutungulula abantu bamu Israeli mu kuluba. ¹⁴ Muli bakasesema bamu Yerusalemu ndibwenemo ifintu fyamakankamika. Balecita ubucende elo nokwenda mubufi. Balekosha amaboko yaba ncitatubi; takuli nangu umo uulebwela ukwisakufuma kububifi bwakwe. Bonse baishilekuba kuli nebo nga sodoma nabekashi bauko nga Gomora!'' ¹⁵ Eico Yaweh wamilalo alanda ici kuli bakasesema ati, ''Boneni, ndebalenga ukulya ifyakulula elo nokubanwisha amenshi yasumu, pantu ubusali bulile ukufuma kuli bakasesema baku Yerusalemu ku calo conse.'' ¹⁶ Yaweh wamilalo alanda ifi,' ''Mwilakumfwako ku mashiwi yabakasesema abasesema kuli mwebo. Bamulenga abafye!Balanga ifimonwa ukufuma kumatontonkanyo yabo, tefyakufuma kukanwa kakwa Yaweh. ¹⁷ Bena balandafye kuli abo abansuula, 'Yaweh alanda ati pakesakuba umutende pali mwebo pantu onse enda mukumalala kwa mutima wakwe umwine alanda ati, ' ububi tabwakese pali mwebo.' ¹⁸ Pantu ninani wataleme ku cilye cakwa Yaweh? Bushe ninani uwabwene nokumfwa amashiwi yakwe? Bushe ninani ukutika kumashiwi yakwe nokumfwa? ¹⁹ Boneni, kuli icipupu icileisa ukufuma kuli Yaweh! Ubukali bwakwe bulefuma, nakankungwala kakwe kaleshunda. Kankungwala aleshunda pa mitwe yaba bifi. ²⁰ Ubukali bwakwa Yaweh tabwakapwe mpakafye akacite nokufikilisha amapange yamutima wakwe. Munshiku shakulekelesha, mukesakucishiba ici. ²¹ Tenebo nabatumine aba bakasesema. Bena bamonekelefye nshalandile nangu cimo kuli bena, lelo bacili nabasesema. ²² Pantu bena nga baiminine mu cilye candi, nga balishilekulenga abantu abantu bandi ukumfwa ishiwi lyandi; nga babalenga ukubwela ukufuma ku mashiwi yabo yabubifi ne micitile yamu bumfisolo. ²³ Bushe nebo ndi Lesa fye wamupepi_ uku ekulanda kwakwa Yaweh_ elo kabili Lesa wakutali? ²⁴ Bushe umuntu engafisama muncende yakufisamamo pakuti nebo nshimubwene?_ uku ekulanda kwakwa Yaweh_elo bushe nebo nshaisusha imyulu nesonde?_uku ekulanda kwakwa Yaweh. ²⁵ Njumfwile ifyo bakasesema balelanda abo abalesesema mwishina lyandi. Balelanda ati, 'Nacikwata iciloto! nacikwata iciloto! ²⁶ Bushe nililali ici cikesakuba, bakasesema abasesema ifyabufi ukufuma mumatontonkanyo yabo, nabasesema ukufuma mubucenjeshi bwa mumitima yabo? ²⁷ Bena balepekanya pakulenga abantu bandi balabe ishina lyandi nefiloto ifyo batubulula. Cila umonaumo kumwina mupalamano wakwe, ngefyo ifikolwe fyabo fyalaba ishina lyandi mukutemwa ishina lyakwa Baali. ²⁸ Kasesema uwakwata iciloto, lekeni atubulule iciloto. Lelo kuli umo uyo nebo ndandile fimo, lekeni alande amashiwi yandi mucishinka. Findo umusungu walacita ne ng'ano?_uku ekulanda kwakwa Yaweh_ ²⁹ bushe ishiwi lyandi talili ngo mulilo?_uku ekulanda kwakwa Yaweh_ elo nga sando iitobaula amabwe mutupimfya tupimfya? ³⁰ Eico bona, nebo ninjalukila bakasesema_ uku ekulanda kwakwa Yaweh _ onse uwiba amashiwi ukufuma ku mtunu nokulanda ati yafumine kuli nebo. ³¹ Bona, nebo njalukile bakasesema_ uku ekulanda kwakwa Yaweh_ababomfya indi,i shabo ukusesemenakoifyakulandwa. ³² Bona, nebo njalukile bakasesema abalota ifyabucenjeshi_ uku ekulanda kwakwa Yaweh_elo nokufilanda muli iinshila balufya abantu bandi nobufi bwabo nakatutumushi. Nebo ndibalukile, pantu nshabatumine nangu ukubapa ifipope. Eico bena tabakafwe aba bantu_ uku ekulanda kwakwa Yaweh. ³³ Uluntu ababantu, mangu kasesema, nangu shimapepo aipusha kuli mwebo ati, 'Bushe icisendo cakwa Yaweh cindo?' mukesakulanda kulibo ati,, ' Nimwebo icisendo, elo nkesakumifuntula_ uku ekulanda kwakwa Yaweh. ³⁴ Nga pali bakasesema, bashimapepo,nabantu abalelanda ati, ' Ici cisendo cakwa Yaweh' Nkakanda uyo umuntu nang'anda yakwe. ³⁵ Mukakonkanyepo ukulanda, cila muntu kumwinamupalamano wakwe elo na cilamuntu kuli wabo wakwe umwaume ati, 'Bushe Yaweh cindo asukile?' elo cindo Yaweh alandile?' ³⁶ Lelo tamufwile ukulanda pacisendo cakwa Yaweh; pantu icisendo lishiwi lya muntu onse, elo mwalyalula amashiwi yakwa Lesa uwamweo, Yaweh wamilalo, Lesa wesu. ³⁷ Ifi efyo mukesakulanda kuli kasesema ati, 'Bushe bwasuko nshi Yaweh akupele? nangu 'cindo Yaweh alandile? ³⁸ Lelo nga mwalanda ati, 'Icisendo cakwa Yaweh; ifi efyo Yaweh alanda : 'Pantu mwalilanda aya amashiwi ati, cisendo cakwa Yaweh; uluntu nalekutuma kuli mwebo, ati, ''cisendo cakwa Yaweh,''' ³⁹ eico, boneni, ndinokumimya nokwisakumiposa, pamo no musumba uo namipele nefikolwe fyenu. ⁴⁰ Eluntu nkesakubika insoni shamuyayaya no musalula pali mwebo ifishakalabwe.'''