¹ Ifi efyalanda Yahweh at, ''Tentemuka uye ku cipango ca mfumu ya ba Yuda elo uye kulanda aya mashiwi kulya. ² Uye kulanda ati, 'We mfumu ya ba Yuda, umfwa kwi shiwi lya kwa Yahweh- webo we waikala pa cipuna ca bufumu bwakwa Davidi-webo, elo na babomfi bobe, elo na bantu bobe abaishile no kuptila pali iyi minshi. ³ Yahweh alilandile ifi, ''Citeni umulinganya elo no bulungami, elo kuli uyo onse uyo baibila- mu pokololeni mu maboko yaumutitikisha. Tekwesha tekwesha ukulacusha abeni mu ncende yenu, nangu umwana wanshiwa uuli onse nangu mukamfwilwa. Tekwesha ukucita ifimfulunganya nangu ukusumya umulopa muli iyi ncende. ⁴ Pantu nga mwebo mucinefye mwakulacita ifi fintu, eluntu ishamfumu ishakwikala pa cipuna ica bufumu bwakwa Davidi bakulaingilila kuli iyi minshi ya ng'anda na banina pamaceleta elo na pali bakabalwe-imfumu, na babomfi bakwe, elo na bantu baiko. ⁵ Lelo nga tamumfwile kuli aya mashiwi ukufuma kuli nebo- ayo na landa-uku ekulanda kwakwa Yahweh- lyena iyi ing'anda ya bufumu ikaba icitantala.''' ⁶ Pantu Yahweh alandile ifi palwa ng'anda ya bufumu bwakwa Yuda, 'Webo uli kwati calo ca Gileadi, nangula nga pamulu wa lupili lwa Lebanoni kuli webo. Eico ndi no ku kusangula amatololo, nga imisumba iyi shikalamo abantu. ⁷ Pantu nebo ndi no kumutumina abakwisa kumonaula mwebo! Abantu ne fyanso fyabo bali no kwisa kutema ifimuti fya mi Kedari ifyabune elo no kuiposa mu mulilo. ⁸ Eluntu imishobo iingi ikalekupitapo pali uyu musumba. Umuntu no mubiye bakalakwpusha kuli umo no mubiye ati, ''Bushe cindo ico Yahweh acitile ifi muli uyu musango kuli uyu musumba uukulu?'' ⁹ Eluntu bambi bakalayasuka abati, ''Pantu balisulile icipangano cakwa Yahweh Lesa wabo elo no kulashinshimuna imilungu imbi no kuifukamina.'' ¹⁰ Mwilakulila uufwile nangu ukulosha ena; lelo mulilile nganshi uyo ukoya muli bunkole, pantu takabale abwela no kwisa kubona icalo wafyalilwemo na kabili.' ¹¹ Pantu Yahweh alandile ifi palwa kwa Shalumu umwana mwaume wakwa Yosia imfumu ya bena Yuda, uyo wabombele nge mfumu pa cifulo cakwa Yosia wishi, 'Aliya ukufuma kuli ino ncende elo takatale bwela ukwisa kuno. ¹² Ali no kufwila kuli ilya ncende uko kuntu bamusenda muli bunkole, elo takatale na kabili abona iyi ncende.' ¹³ Alishama uyo uukokula ing'anda yakwe mu musango wa kubula ukulungama, alundapo ne miputule ya pamulu mu bucenjeshi, uyo uubomfya umunankwe ukwabula nangu kamo, elo kabili tabapela na malipilo yabo; ¹⁴ uulanda at, 'Ndi nokuikulila ing'anda nebo ne mwine iikulu ne miputule iya pamulu iikulu.' Eico akobikamo na mwaeindo ayakulu, elo kabili no kufimbako imbao sha mikedari, elo no kupentako penti wa kukashika. ¹⁵ Bushe ifi efingakulenga ukuba imfumu iisuma, icakuti walikufwaya ukukwata ing'anda iya mbao sha kedari? Bushe wiso talikulya no kunwa, lelo ena walikucita umulinganya elo no bulungami? Eluntu ifintu fyali kwenda bwino kuli ye. ¹⁶ Walikupingula bwino imilandu ya bapina na babusu. Cali kubafye bwino pali iyo nshita ukwishiba nebo?-ifi efyalanda Yahweh. ¹⁷ Lelo webo tapali fimbi ifili mu menso na mu mutma obe kanofye ukusakamana ukucita ubucenjeshi ku kumonamo ubunonshi elo no kusumya umulopa wa bakaele, elo no kucita ulufyengo no bukakashi kuli bambi. ¹⁸ Eico ifi efyo Yahweh alanda palwa kwa Yehoyakiku umwana mwaume wakwa Yosia, imfumu ya Yuda: Takwakabe wa kumulila uwakutila, 'Akalanda, we ndume yandi!' nangula 'Akalanda, we nkanshi yandi!' Tabakamulile, ukutila, 'Akalanda, we shikulu!' nangula 'Akalanda, we kanabesa!' ¹⁹ Uli no kushikwa kwati ni mpunda ikoshikwa, ukumukulwila kunse elo no kuposwa kunse ya minshi ya Yerusalemu. ²⁰ Kabiye kanine ulupili lwa Lebanoni elo ubilikishe. Usanule ishiwi lyobe mu Bashani. Ukatampile ku mpili sha Abarimu, pantu ifibusa fyobe fyonse fili no konaulwa. ²¹ Nalikusokele uluntu wali no mutende, lelo waishile kulanda ati, 'Takomfwe.' Ifi efyo imisango yobe yaba ukumafye ku bwaice bobe, pantu webo walikana ukumfwa kwi shiwi lyandi. ²² Umwela ukolulula bakacema bobe bonse, elo ne fibusa fyobe fikasendwa muli bunkole. Eluntu uli no kumfwa insoni elo no kusebana pamulandu wa ficitwa fyobe ifibi. ²³ Webo we wikala mu Lebanoni, 'We waikala mu cisansala ca bukule bwa kedari, ifyo uli no kumfwa ubukali ilyo ukukalipwa kukesa pali webo, ukukalipwa kwati ni kulya ukwa kwa na mayo ulya ifumo lili mukupapwa!'' ²⁴ ''Napalifye ne mwine umumi-ifi efyalanda Yahweh-nangula cingaba shani, Yehoyakini umwana mwaume wawa Yehoyakimu, imfumu ya bena Yuda, nga aali nindaminwe ya ku munwe wa ku kulyo kwandi, ala kuti nakufula. ²⁵ Pantu nebo ni nkupela mu maboko ya abo abafwaya ukulofya umweo obe elo kabili na mu maboko ya balya utinisha, elo na mu maboko yakwa Nebukatinesari imfumu ya ku Babiloni elo na ku bena Kaludea. ²⁶ Nebo nkakufwinta webo pamo na noko wa uwakufyele ku ncende imbi, ku calo uko webo tawafyalilwe, elo uko kwine eko muli no kufwila. ²⁷ Palwa iyi ncende iyo mu fwaya ukubwelelako, tamwakabweleleko na kabili kuno. ²⁸ Bushe uli uwasulwa elo inongo iyatobaika? Bushe kanshi uyu muntu Yehoyakimu ni nongo iyo umuntu nelyo umo ashilesekesha? Cindo ba mufwintile elo na ba ng'anda yakwe kunse, elo kabili ba baposele ku ncende iyo bateshibe? ²⁹ We calo, We calo, We calo! Umfwa ishiwi lyakwa Yahweh! ³⁰ Ifi efyalanda Yahweh ati, 'Lemba palwa uyu muntu Yehoyakimu: Takakwatepo abana. Takatunguluke mu nshiku shakwe shonse, elo kabili takwakabe nangula umo mu bufyashi bwakwe uukashuka nangula uuli onse ukwikala pa bufumu elo no kuteka icalo ca Yuda.'''