¹ Ku wandumi uwa mpingo wa Saladisi usimbe , Agha gho masyu ya yo ali ni mbepo singonde ni sibili ya Chala ni nyenyesi singonde ni sibili. Menye mbombo syako. Uli nulufumusyo lyakuti we wabumi, lole ufwile. ² Atakagone, cho chasyalako lole tichise chili papipi chigomesye pakuti ndaghite ukuti imbombo teshakufikapo pandashi pa Chala wangu. ³ Sona kumbuka amasyu gho ghakumanyisya nu kughapulika. Ughasunge sona unyokeko ku mbibi syako. Pala ukupotwa ukuba maso, po tinise ngati mwibi sona akabalilo kakwisa teukamanye sona. ⁴ Lole ukali nabo abandu banandi mumoingo wa Chala mu Saladisi, babo batangalisya imyenda yabo bo tibakende pandashi nuwe, lole bafwele fyelu, pachifukwa bo baghile, cho kabonekele kake kakumwekuka ngati lo ibwe ligitu ngani. ⁵ Yoshi yo akukinda tiakafwale bubo imyenda yelu. Te ngafufute lumo ingamu yake mubuku ilyabumi po tingamwitikisye pabwelu pandasi sya Tata nabatumiwa bakumwanya. ⁶ Yo Ali na makutu leka apulike cho uwambepo akuyugha ku chipanga. ⁷ Ku wandumi uwa kuFiladefiya ukasimbe, Agha gho masyu gha yo mwelu, gho gha wanaloli, sona akolelile ichighulilo icha kalonga uDavide. Pala wighula, patali numundu yo angighala, sona pala ighala patalisonq numundu yuyo angighula. ⁸ Menye mbombo syako, keta nakwiyulila chighi chocho pata numundu yo angighala, sona pala nighala patalisona numundu yuyo angighula. Menye sona ukuti amaka ghako ghanandi. Lole usungite amasyu yangu sona utakanite ingamu yangu. ⁹ Keta bo bali ba chipanga cha Setano,abamyasi bala, bo bakwilumbilile ukuti bo abaYuda sona te bayuda, ukuti anyitisyile pandasi pako ukuti asimbe pafilundi fyako. Popapo bamenye ukuti mwighane wangu. ¹⁰ Pakuti wasanga amasyu ghangu nukwikola tingusungilile nune mukabalilo ka fighesyo yo yikwisa pase pano ukubaghesha abandu boshi. ¹¹ Tinise nakalinga, ukole ngani cho uli nacho, mwakuti patakabe nayumo yo tiakapoke imbumbu yako. ¹² We wesi yo akwenda pabwelu, tindimugualusye ukuba imbanda ya nyumba, tingakasimbe ingamu iya Chala wangu ni ngamu iya chisu chikulu iya Chala wangu. Ichisu chicho Cho Yelusalemu walilino wo ukwika kufuma kumwanya kwa Chala wangu. Pa yuyo tingasimbepo ingamu yangu yipya. ¹³ Yo ali namakutu apulike cho uwambepo akuyugha ku bachipanga. ¹⁴ Ku wandumi wa chipanga wa Leodekeya simba ukuti, agha gho mashu gha Ameni yo ali we kamboni wa lwitiko na wa wanaloli wa bwandilo wa fibeliwa fya Chala. ¹⁵ Menye mbombo syako ukuti uli we wakukutalala nakamo sona uwakutukila loli. ¹⁶ Sona pakuti wafunda loli, ukuti watalala sona ukufunda tingakufumye mu mlomo wangu. ¹⁷ Sona pakuti ukuyugha ukuti, ne mukabi, sona ndi nafyo fyosi, ndakaba mupina nakamo, lole utakumanya ukuti we wakusoba, wakupela ichisa, mupina we utakuketa, utafwalite. ¹⁸ Sona bulongoshi bo ngukupa wo wakuti ukawule kwangu golidi lyo lukasunguluka kale lyene, lyakufikapo mwakuti ukabe mukabi. Ughule kwangu umunjilila bwelu ukuti mwifwalike upina bwako bo ukukukozya isoni. Sona ughule kwangu umulembo wamaso ukuti wipake mumaso ukuti uketaghe. ¹⁹ Bosi bo ngubaghana ngubalanga nukubachenya. Sona ube nulubilo kughalabuka ukufuma ku mbibi syako. ²⁰ Une ngima pamulyango nukukungusya, pala umundu akupulika amasyu yangu nukwighula pa chighi, tingingile pa mwayuyo sona tingalye nayo wepe tiakalye nune. ²¹ Weshi yo abomba fyisa, timwitikisye ukuti akale nanine pa chisumbi changu nga mo une nukwikala poka nu Tata pa chisumbi chabo. ²² Yo ali na makutu, leka apulike cho wandumi akuyugha ku chipanga."