¹ Mwo fyashila ifi ngatesha uwandumi uyungi akwika ukufuma kumwanya ali nubulaghili ubukulu, po ichisu chikakoshiwa nubushisha bwake. ² Po akakola amashu agha maka akati, "UBabulo umukulu awa awa. Kachenja kaba kaba kaya kakwilamo imbepo. Numwakusungila imbepo imbibi sho shi nukusungilamo utuyuni twoshi utubibi na two tubengiwe. ³ Pakuti bwalwa wa bukalale wa bomalaya wake uluko lwoshi lukawa po abonyafyale ba chisu bakalowa nawe naba malonda bakawina chifukwa cha maka agha kulya akisa kwake." ⁴ Po ngapulika amashu aghangi kufuma kumwanya ghakuti, "Tilamo umo bandu bangu, ukuti mungakolelana ni mbibi shake, nukuti mungapokelako indamyo shake. ⁵ Pakuti imbibi shake shibunganite ukuya kumwanya, po uChala akakumbuka imbibi shake. ⁶ Mubughalushe ngati uwu mwo mukabughalushisha sona mughalushe kabili ukuyana ni mbombo shake, mwakapu mwo ukakusha ukushe kabili. ⁷ Ngati mo ukichindika nukwilyesha mwo uchibombele ukunyasha sona nukulilisha, pakuti ghukuyugha mu moyo wake, timbe ne mwanyafyale tane mulanda, tangafwe nalumo. ⁸ Chobene indamyo shake shiswile ishiku limolyene ukufwa nu kulila nisala tifikapye nu mulilo, pakuti uChala we akubulonga wamaka. ⁹ Po abonyafyale ba chisu bakupanga ubwomalaya, bakulya nawe tibakalile amashoshi po bakutesha ilyoshi ilya kupya kwake ukwimw pabutali. ¹⁰ Pakwoghopa indamyo shake akati, "Mukoshi, mukoshi, akaya akakulu Babulo , kaya akajimvu pakuti mukabalilo kamukene ubulongi wake wisa." ¹¹ Po abamalonda pa chisu tibakalile nuku kapelela ichisa pakuti nayumo we akughula amalonda ghabo. ¹² Amalonda agha siliva wo mutengo wake nifya kumwekuka ni mitengo yoshi iya munushi ubwisa ni chakweghela choshi cha mutengo uwa pamwanya nicha chela, nicha kumwekuka. ¹³ Nu kinamomo nu amomo nifya kunungisha nifya kupakala nu bwalwa namafuta nu bufu ning'ombe ning'oshi namalonda gha bandu nimyoyo iya bandu. ¹⁴ Po ifyakunyonywa umoyo wako fikakutilila fyoshi ifya kumanyikwa ni fyisa fyatilako ifi taukafyaghe lumo sona. ¹⁵ Bo bakukolela ishi bo balita nawo ti bakime pabutali chifukwa cha kwoghopa indamyo shake, tibakalile nukupela ichisa. ¹⁶ Tibakati, "Kaya akakulu akakufwala ifya kumwekuka aka kwinosha nifya chisu, ifya kufwala mumubili gwoshi. ¹⁷ Pakuti pakabalilo kanandi cha shila ichuma ichikuluichi, , weshi uwa kwendesha ubwato nabo bakwendesha munyanja. ¹⁸ Bakalila pakutesha ilyoshi lya kupya kwake, bakati, "Kaya kaki ko kakuyana na kaya akakulu aka?" ¹⁹ Bakabika ulupumbi pa mitu yabo, nukulila, bakati, "Mukoshi, mukoshi akaya akakulu ko kakang'wamirwa na boshi bo bakaba nu katundu pa nyanja chifukwa icha kung'wama kwake. Pakuti mu kabalilo akanandi kakaba chisami." ²⁰ "Sekela pa yuyo mwanya, uwe nabelu umoyo nabatumiwa nabasololi umwe pakuti uChala akakalonga ukulongiwa kwinyu." ²¹ Po uwandumi umujimvu akapimba ibwe ngati lwala ulukulu, akaponia mu nyanja, akati, "Ulu, Babulo kaya akakulu tikakalepuke na maka po takakaghiwe sona. ²² Po amashu agha bakwimba nabakulisha upito aba ng'oma aba chinanda takabapilikiwe sona kukwako. ²³ Nukukosha kwa nyale ta kukakoshe sona kukwako namashu agha bo nabwinga taghakapulikiwe sona kukwako pakuti abakughulisha amalonda ginu bakapulikiwa pa chisu, po ubuganga bwako abandu bakasoba. ²⁴ Po mula mukaghiwa ibanda ilya basololi nabelu imyoyo na boshi bo bakabaghogha pa chisu."