¹ Po akisa yumo uwandumi we akafuma pabandumi seveni akaba nimbale seveni akayugha nune akati , "Sakuno tingakulaghishe ubulongi ubwamukolo umalaya yo akwikala pamishi amingi. ² Yo abonafyale abachisu bakapanga nawe ubuhule. Po bo bali pachisu bakakolwa nawe nulwalwa ubwa buhule bwakwe." ³ Po akaneghela kulugwa mwambepo, po ngatesha umukolo uwabuhule ikile pachinyamana ichikesamu, cho chili namita aghamadingo cho chili nimitu seveni nimbembe teni. ⁴ Po umukolo akafwala umwenda uwakumwekuka apodite akafwasa nugolide nu nekilesi munyobe ni kapu yo mukaba ifibibi nifyakunyalisha ifya buhule bwakwe. ⁵ Sona pacheni pake pakasimbiwa ilyita ichisisi "Babulo umukolo umama wabwo Malaya nifyakunyalisha ifya chisu." ⁶ Po ngatesha umukolo yo akakolwa nibanda lyabelu imy'oyo nibanda ilya bokaboni ba Yesu. Po ngaswigha pakumutesha umwene, ngaswigha ngani. ⁷ Po umungelo akati kukwangu, "Choni cho ukuswigha? Une tingakubushe ichisisi icha mukolo nichinyamana ichakupapa umwene cho chili nimitu seveni nimbembe teni. ⁸ Ichinyamana cho ukachitesha chalipo loli nachimo, po tichikafume muchibwina nukusoba, po bakaswigha bo bakwikala pachisu bo ilyita litalembiwe mubuku ilya bumi ukwandila ukwikashikishiwa pakutesha ichinyamana sona chiliko sona nachimo sona tichikabepo. ⁹ Panu pali imy'oyo yo yili namahala imitu seveni gho maghamba seveni gho umukolo akwikalapo. ¹⁰ Po pali abonafyale seveni, fayivi bakagwa, yoka yilipo, iyingi yitisile poti yise yibaghile ukuti yikale akabalilo. ¹¹ Po ichinyamana chikabako sona nachimo icha 8, chili mu fila seveni chikusoba. ¹² Po imbembe teni ukashitesha akisa abonafyale teni bo batapokile ubunafyale, lol ukupokela ubulaghili ngati bonafyale pampene ni chinyamana. ¹³ Bo bali nu moyo ghumuwene bakubika amaka nu bulaghili bwabo kuchinyamana. ¹⁴ Tibakalwe pa mwana wa ng'oshi, umwana wa ng'oshi takabapote pakuti wi Chala wa boChala. UMwene wabo Mwene. Po takabapote sona bo bakwikala nawe bo bitishiwe, naba saliwa naba subiliwa. ¹⁵ Po akayugha nune, "Amishi gho kwo ali umukolo umalaya bo bandu ni chilundilo nuluko ni njugha. ¹⁶ Imbembe teni sho ukashibona ni chinyamana, ishi tishikabengane numukolo umalaya. Tishikamuleke bwashi tibakalye inyama yakwe. ¹⁷ Pakuti uChala akabapa umoyo bo bakubomba isha mumoyo wake, nukubomba isha moyo ghumowene, ukufika ukuti ghakwanilishiwe amashu gha Chala. ¹⁸ Po umukolo uyo akamutesha we kaya akakulu wo bukubomba ubunafyale pa bunafyale bwa chisu."