¹ Po ngimilila pa musesenga wa nyanja po ngatesha ichinyamana chikufuma mu nyanja chili ni mbembe teni ni mitu seveni, napambembe pake nimbumbu isha bunyafyale na pamutu pake amita agha madingo. ² Po ichinyamana cho ngachibona chikayana nu shela ni nyayo shake ngati nyayo sha duli, na pamulomo wake ngati mulomo wa ngalamu. Po injoka yikamupa amaka ghake nichitengo icha bunyafyale wake nubulaghili ulukulu. ³ Po bumo uwa mutu wake bukaba ngati bwalaswa mbaka nukufwa, po ibala lyake ilya kubufwe likapola. Ichisu choshi chikaswigha pakukonga ichinyamana chila. ⁴ Po bakayiputa injoka pakuti yikamupa amaka ghake, bakiputa ichinyamana nukuti, "Wini we ayanite ni chinyamana?" Sona, "Wini we angalwa nacho." ⁵ Po akachipa umulomo uwa kuyugha ifikulu na madingo po akachipa amazaza agha imyeshi fote tuu. ⁶ Po chikigula pamulomo wake ukuyugha amadingo kwa Chala ukunyoza ilyita lyake ni chitembe chake, nabo bakwikala mumwanya. ⁷ Poakachipa ukulwa na belu umoyo nukubatapo akachipa ukulaghili uwa paluko lwoshi nabandu ninjugha, napachisu. ⁸ Po tibakachifute boshi bo balipachisu, boilyita lyabo litasimbiwe mubuku lya mwana wakang'oshiuwakufwa ukufuma ukupeliwa ichisu chapase. ⁹ Linga yumo ali nichufwo apuluke. ¹⁰ Linga umundu akwinongona kupinywa kandalabuke, umundu linga aghogha nupanga akulondiwa afwe nupanga, panopali ubujimvu nulusibilo ulwa belu umoyo. ¹¹ Po ngatesha ichinyamana ichingi chikafuma pase chikaba nimbembe shibili ngati shamwana wambelele Po chikayugha ngati njoka. ¹² Po chikulangisha amaka ghochiagha chinyamana ichawondilopandashi pake, we chochikulaghila boshi abandu pa chisu ukuti bachiputaghe pakuti ibala lila likapona. ¹³ Po chikubomba ifiswigho ifyingi nukuti chishe umulilo ghufume kumwanya ghuwe pachisu pandashi pa bandu. ¹⁴ Po chikusofya bobakwikala pachisu nifyiswigho fyo bakachipa amaka aghakubomba pandashi pan chinyamana nukuyugha Kubo balipachisu, ukuti banosheni chifwani Cha chinyamana chochikaba nibala ilyapanga chikaba sona nubumi ¹⁵ Akachipa amaka aghakuchipa umughi ichifwani chila, nakuti ichifwani icha ichinyamana chiyughe, sonachilamule ukuti welinga atakuchifuta ichifwani chila baghoghiwe. ¹⁶ Po chikupanga ukuti boshi abanandi na bisongo, abakabi na bapina numusatuke numupinyiwa nabatumwa bapokele ichidindo pannyobe na pacheni pabo. ¹⁷ Ukuti umundu manye aghulaghe pamu ukughulisha, lole mweneyoalini simbo ilyalyita lyachinyamana.Pamo inambala ya chinyamana. ¹⁸ Pano pali amahara we akumanya abelenge inambala ya chinyamana icho, pakuti inambala lyoya mundu yoiyi 666.