¹ Po ichimanyisho ichikulu chikaboneka kumwanya umukolo weafwalite izuba numweshi kutulu ndi kwake, napamutu pake ingigha lya ndondwa 12. ² Sona alipa bungwamu poakakola pakupapa nukupulika ifyakubaba ifyakupapa ³ Po chikaboneka ichimanyisho ichingi kumwanya, injoka ingesamu ingulu yoyali Ni mitu 7 nimbembe lo pamutupake imbungu 7. ⁴ Po ulusinda lwake lukugwesa limolyene pa findu fitatu ifya ndondwa Isha kumwanya nukufagha pa chisu poinjoka yikimilila pandashi pa mukolo akuti apape linga apapa chiye chimumile umwana wake. ⁵ Po akapapa umwana umulishi we tiakalonge alukolwoshi ni ngomo lya chela Po akamunyaghula umwana wake aye kwa Chala na kuchitengo ichaunyafyali. ⁶ Po umukoloakakindila kumbanya kwa alinimbeyu lya kwisengania kwa Chala, ukuti aye amulishe uko. ⁷ Po tukumala ulushimikisha pichinyamana chikafuma muchiwina ichitalingani pochitendekesha ukulwa uwite .pochikisa pakulwa uwitepotichipote potichikaghoghe. ⁸ Poimiwili yawo tiyikawe mutwaya utukulu wowukwitishiwa, chimuzimu wasondomuna Ijiputi. Po apopou Chalawawo akakomeliwa. ⁹ Po yikatagiwa pase injoka ingulu yila, Injoka yoyigosipite yobakuti setano umumyashi wa chisu choshi, bakayiponia pase pachisu nabandumi bake bakataghiwa boshi. ¹⁰ Pongapulika amashu amakulu kumwanya ghakati, ulu pobwisa ubwa Chala witunubulaghili wa kristu wake, pakati atagiwa we akayughililagha abakamu bitu akayughagha pamaso pa Chala witu pamusi na pabushiku. ¹¹ Po bakamupota chifukwa chamwana wa wang'oshi na mashu aghakushimikisha kwawo Sona batakabughana ubumi bwabo mbaka po bakafwa. ¹² Pachifukwa ichi sekelagha mwanya uwe numwe mwemukwikala mumo, mukoshi ichisu ni nyanja chifukwa usetano ika kukwinyu we mulwani umukulu ukumanya ukuti akabalilo kamushilila. ¹³ Mwo injoka yila yatesha ukuti bayitagha pasepa chisu chikasha umukolo we akapapa umwana umulisha. ¹⁴ Poakamupa umukolo ifipapande fibili ifya kapungo umukulu ukuti abuluke ku lugwa kumbeyu yake kwo akulyeshiwa akabalilo koshi atakatesha icheni chanjoka. ¹⁵ Po yikafwila mumulomo wake pakukonga umukolo, amishi ngati lusoko ukuti abukile nalwo umukolo yula. ¹⁶ Po ichisu chikamwafwa umukolo yula, nichisu chikighula umulomo wake ghukamila amishi ghoshi agha lusoko, gho injoka yikafwila mumulomo wake. ¹⁷ Po injoka yikakalala numukolo yikanyamuka ukuya pakulwa nabo bashala abambeyu yake, we akusunga indaghilo sha Chala ali nu bumboni bwa Yesu.