¹ Napo chipangano ichabwandilo chikaba ifyakubika ifyakwiputila, namalo amashisha agha chisu chapase. ² Pakuti ichitembe chikanoshiwa ichi bwandilo, mula mukaba apakubika inyale ni chghemo nu buledi uwakubonekela pala pakwitishiwa ku chighemo. ³ Lole mukati mu kateni ilya chibili, ichitembe cho bakuti amalo amasayiwe. ⁴ Bo bali ni mbale lya finunga lya mutengo ni bokoshi lya chipangano lya mutengo, lyo lishighiliwe numutengo mula mukaba ibotolo lya kusengula imana ni ngono ya Aloni yo yikatilako ni fighemo agha pangano. ⁵ Napamwanya pake ali abashisha ukubombesha ichishunguli pachakushi ghilila lole ishi tutangayugha, chimo chimo. ⁶ Mwo ishi shano shiwa, ababombi bakingila muchitembe icha bwandilo kisita kuleka pa bumalilo ukwiputa. ⁷ Lole ukwingila ku cha bubili, umubombi mwene kamukene pa mwaka woshi, nibanda lyo libikiwe chifukwa cha yuyo mwene, ni mbibi sha bandu. ⁸ Umbepo mwikemo akumanyisha ukuti isila lyakwingila ku malo amelu yitalangishiwe po ichitembe icha kwanda chimilile. ⁹ Yo chifwani icha kabalilo akako kalipo ulu, akabalilo kaku sopa wo kukubikiwa ngati mu mbibi, ukumunosha umundu we akwiputa. ¹⁰ Pakuti shikuba ishakubikiwa isha mubili wene, nifyaku lya nifyang'wa nukogha ukwa kulekana lekana, fibikiwe mpaka akabalilo akakunosha. ¹¹ Lole mwo isa ukilisito umubombi uwa fyisa fyo fikwisa, mu chitembe ichikulu ni chisa ngani chitazengiwe ni chisa ngani chitazengiwe ni nyobe, kwo kuyugha ukuti, tacha chisu ichi. ¹² Pamu mwibanda lya mbushi na bana ba ng'ombe lole mwibanda ilyake mwene akingila kamukene kumalo amasaliwa akapokela ukutabuliwa ukwa bwila na bwila. ¹³ Pakuti ibanda lya mbushi ni ng'ombe ingambaku nilyoto lya ng'ombe wobasabile pabanyali yikusuka nu kwelufya umubili. ¹⁴ Bulenga ibanda'lya Yesu we akifumya mwene we atanichi lema kwa chala mwambepo wa bwila tigusuke ichinyonywa mu moyo winyu, ukupambana ni mbombo sho shifwile ukumubombela uchala umumi! ¹⁵ Po paichi mufusha wa chipangano ichipya, po pakuti kukabombwa ubufwe ubwa kupoka imbibi sha chipangano ichakwanda, bo bitishiwe bakapokele ipangano ilya mbyana lya bwila bwila. ¹⁶ Pakuti po pali ichakuno shiwa pakulonda pabe ubufwe uwa yo asimbile. ¹⁷ Pakuti ichakunoshiwa chikuba na maka linga umwenecho apwa, pakuti chita na maka linga uwa kusimba mwumi. ¹⁸ Sona ichabwandilo chitano shiwe chochita ni banda. ¹⁹ Pakuti po Umose akabayghila abandu boshi indaghilo yoshi yila mundaghilo akegha ibanda lya bana ba ng'ombe ni mbushi nimbushi pampene na mishi name ya amakesamu ni sopo aka myasila ibuku na bandu boshi. ²⁰ Akati ili libanda lya chipangano uchala akaba lamulila. ²¹ Sona ichitembe ni chakwe ghela fyoshi ifya bubombelo aka myasila mulamula ni banda. ²² Po umwa ndaghilo fya shala ifindu panandi fyo fitelufiwe ni banda, sona we atakupula ibanda ataku satuliwa. ²³ Pala palondiwanga ukuti ichifwani cha findu ifya kumwanya fyelushiwe nishi. ²⁴ Pakuti ukilisito atakingila mu malo amasayiwa, gho ghazengiwe ninyobe isha kuyana abanaloli lole mumwanya kuko kukubo neka ulu pamaso pa Chala, chifukwa cha utwe. ²⁵ Takuti ifumye mwene kabili kabili ngati mubombi akwingila pa bwelu umwaka woshi ni banda lyo talyake. ²⁶ Linga kwali buno kwamuyile ukuti apulike ukubaba kabili kabili ukufuma ukupelwa ichisu cha pase, lole ulu kamukene pa bumalilo, pakabalilo ko ilangisha ukufumya imbibi mu mbombo lyake mwene. ²⁷ Pakuti kubikiwe kamukene ku mundu ukufwa kamokene linga afwa bulongi. ²⁸ Nu Yesu kilisito wepe bakamufumya kamokene, ukwe gha imbibi inyingi tighaka boneke ilya bubili we ta nimbibi kubo bakumulindilila ukufika ku bupokwa.